Aımaqtar • 28 Mamyr, 2020

Qostanaılyq oqýshylar jańa bıoplastık oılap tapty

500 ret

kórsetildi

1 mın

oqý úshin

«Daryn» ortalyǵynyń uıymdastyrýymen onlaın rejimde ótken «Ǵylym álemin ashamyz» atty halyqaralyq olımpıadada Qostanaı qalasyndaǵy Nazarbaev zııatkerlik mektebiniń 10 synyp oqýshylary Sánııa О́mirzaqova men Dılara Ýsembaeva I orynǵa ıe boldy. Jas ǵalymdar taǵam qaldyqtarynan plastıkalyq materıal jasap shyǵarýdyń jolyn anyqtaǵan.

Nurqanat QULABAEV

Qostanaılyq oqýshylar jańa bıoplastık oılap tapty

- Bizdi ekologııa máseleleri alańdatady. Sondyqtan tabıǵı túrde ydyramaıtyn jasandy materıal - plastmassa qaldyqtarynyń mólsherin azaıtý joldaryn qarastyrdyq. Bir jyl ishinde ustazymyzben kóptegen tájirıbe ótkizip, nátıjesinde ósimdik taǵamdarynyń qaldyqtarynan jasalǵan bıoplastıkany oılap taptyq. Bul materıaldyń basty ereksheligi – topyraqta ózdiginen ydyrap, joq bolyp ketedi. Biz jańa materıaldyń fızıkalyq jáne hımııalyq quramyn anyqtap, ony jasap shyǵarýdyń tehnologııasyn da taptyq, - deıdi jas ǵalymdar.

Ǵaryshtyq zertteýler salasyna qatysty ótken onlaın-olımpıadanyń qorytyndysy boıynsha Qostanaıdaǵy Nazarbaev zııatkerlik mektebiniń 2 oqýshysy jeńimpaz atansa, 3 oqýshy – ekinshi, 4 oqýshy úshinshi oryndy jeńip aldy.

Qostanaı oblysy