Lısakov qalasynyń ákimi Almat Ismaǵulov nysandardy aralap, merdigerlermen kezdesti. - Jol qurylysyna paıdalanylatyn materıaldar zerthanadan ótkiziledi. Sebebi biz qurylys jabdyqtarynyń sapasyn bilýimiz qajet. Eń bastysy, sapaly jol salynýy kerek, - dedi qala ákimi.
Bıyl júzege asyrylyp jatqan 27 jobaǵa 2,7 mlrd teńge qarjy bólingen. – Jóndeý jumystaryna barynsha otandyq óndiris materıaldaryn qoldanýǵa tyrysamyz. Ekinshiden, qala turǵyndary úshin jumyspen qamtý ortalyǵy arqyly 292 jumys ornynyń ashylýyna múmkindik berdi, - dedi qala ákimi. A.Ismaǵulovtyń aıtýynsha, nysandardy jóndeý josparyn qurý kezinde turǵyndardyń ákimmen kezdesý kezinde aıtylǵan ótinish-tilekteri de eskerilgen. Shaǵyn qalada kelesi aıdyń aıaǵyna deıin 200 myń sharshy metr jolǵa asfalt tóselmek.
«Rasymen de, bir jyl ishinde 27 nysandy jóndeý degen buryn-sońdy bolǵan emes. Jalpy bıyl «Jumyspen qamtýdyń jol kartasy» baǵdarlamasy boıynsha barlyq jerde rekordtyq qarjylandyrý bar. Endi jumysty sapaly, ýaqtyly oryndaý mindeti tur», - dedi ákim.
Qostanaı oblysy
