«1932-1933 jyldary asharshylyq boldy. Ashtyqtan qınalǵan soń, tús kezinde jezdemizdiń úıine qaraı jolǵa shyqtyq. Anam sonda qaryndasymdy baýyryna alyp, meni qolymnan jetelep, ashtyqtan buralyp áreń júrdi. Jol ónbeı, aýylǵa jaqyndaǵan shaqta qas qaraıyp ketti. Bir kezde bizdi 3 qasqyr qamap, topyraq shasha bastady. Men qoryqqanymnan anamnyń etegine tyǵyla bastadym. Anam taıaǵyn kóterip, aıǵaılasa da qasqyrlar qaımyqpady. Sodan anam qaryndasymdy jerge qoıyp, meni arqalaı jóneldi. Qasqyrlar qaryndasyma qaraı bas salǵan bolý kerek, shar etken daýsy estildi. Biz sol ýaqytta aman-esen qutylyp úlgerdik. Keıin baryp qarasaq, shashynan basqa eshteńe qalmapty. Bul qasiret. Asharshylyq kezinde ár jerde osyndaı oqıǵalar kóp boldy. Men ony óz kózimmen kórdim»,- dedi M. Myrzahmetuly.
Sondaı-aq ol asharshylyq jaıyn qazaq tarıhshylary áli de zertteýi qajet ekenin aıtyp ótti.
Búgin «Egemen Qazaqstan» gazetiniń uıymdastyrýymen qýǵyn-súrgin jáne asharshylyq qurbandaryn eske alý kúnine arnalǵan «Ǵasyr zulmaty» atty onlaın dóńgelek ústel ótti.
