2013 jylǵy 26 aqpan, Astana qalasy
Jeke negizde (jeke sot oryndaýshylary) atqarýshylyq qujattardy oryndaý boıynsha qyzmet salasyndaǵy táýekel dárejesin jáne tekserý paraǵynyń nysanyn baǵalaý krıterıılerin bekitý týraly
«Ádilet organdary týraly» Qazaqstan Respýblıkasy Zańynyń 7-baby 2-tarmaǵynyń 3) tarmaqshasyna, «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasy Zańynyń 13, 14, 15-baptaryna sáıkes, buıyramyn:
1. Bekitilsin:
1) osy buıryqtyń 1-qosymshasyna sáıkes jeke negizde (jeke sot oryndaýshylary) atqarýshylyq qujattardy oryndaý boıynsha qyzmet salasyndaǵy táýekeldi baǵalaý dárejesiniń krıterııleri;
2) osy buıryqtyń 2-qosymshasyna sáıkes jeke negizde (jeke sot oryndaýshylary) atqarýshylyq qujattardy oryndaý boıynsha qyzmettiń baqylaý paraǵynyń nysany.
2. Osy buıryqtyń oryndalýyn baqylaý Qazaqstan Respýblıkasy Ádilet mınıstrligi Sot aktilerin oryndaý komıtetiniń tóraǵasy J.B. Eshmaǵambetovke júktelsin.
3. Osy buıryq onyń alǵash jarııalanǵan kúninen keıin on kúntizbelik kún ótken soń qoldanysqa enedi.
Mınıstr B. IMAShEV.
Qazaqstan Respýblıkasy Ádilet mınıstriniń 2013 jylǵy «___»___________
№_______________ buıryǵyna 1- qosymsha
Jeke negizde (jeke sot oryndaýshylary) atqarýshylyq qujattardy oryndaý boıynsha qyzmet salasyndaǵy táýekel dárejesin baǵalaý krıterııleri
1. Osy Jeke negizde (jeke sot oryndaýshylary) atqarýshylyq qujattardy oryndaý boıynsha qyzmet salasyndaǵy táýekel dárejesin baǵalaý krıterııleri (budan ári - Krıterııler) «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń Zańyna sáıkes jeke sot oryndaýshysynyń qyzmetin júzege asyratyn baqylaý sýbektisiniń táýekel kórsetkishterin dárejeleri boıynsha anyqtaý úshin ázirlengen.
2. Osy Krıterıılerde myna túsinikter qoldanylǵan:
1) táýekeldi baǵalaý krıterııleri - jeke sot oryndaýshylary atqarýshylyq is áreketti júzege asyrý nátıjesinde onyń saldarynyń dárejesi esebimen jeke jáne zańdy tulǵalardyń, memlekettiń zańdy múddesine nuqsan keltirý múmkindigi;
2) táýekel dárejesin baǵalaý krıterııleri - baqylaý sýbektisin túrli táýekel dárejelerin jatqyzýǵa múmkindik beretin onyń tikeleı qyzmetimen baılanysty sandyq jáne sapalyq kórsetkishterdiń jıyntyǵy;
3) táýekelderdi baǵalaý júıesi - sot aktilerin jeke atqarý salasynda baqylaý sýbektisin tekserýdi josparlaý maqsatynda ýákiletti organ ótkizetin is-sharalar kesheni;
4) baqylaý sýbektisi - «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń Zańyna sáıkes jeke sot oryndaýshysynyń qyzmetin júzege asyratyn jeke tulǵa.
3. Baqylaý sýbektisi qyzmetiniń táýekelin baǵalaý onyń jumys ótili, tekserý nátıjeleri, josparly jáne jospardan tys tekserister nátıjesinde anyqtalǵan buzýshylyqtar esebimen júrgiziledi. Sýbektilerdi táýekel dárejeleri boıynsha tekseris nátıjeleri esebinen bólý onyń qyzmet táýekeliniń sapalyq kórsetkishterine sáıkes júrgiziledi.
4. Táýekel dárejesine qaraı baqylaý sýbektilerin synyptastyrý:
1) táýekel dárejesi joǵary sýbektiler - jumys tájirıbesi bir jyldan kem emes sot oryndaýshylary;
2) táýekel dárejesi ortasha sýbektiler – atqarýshylyq is júrgizý salasynda 3-5 jyl jumys tájirıbesi bar jeke sot oryndaýshylary;
3) táýekel dárejesi bolmashy sýbektiler - atqarýshylyq is júrgizý salasynda 5 jyl jáne odan joǵary jumys tájirıbesi bar jeke sot oryndaýshylary;
5. Baqylaý sýbektisiniń táýekel dárejesi jeke sot oryndaýshysy retinde onyń qyzmeti nátıjesinde sapaly krıterıılerge baılanysty qaıta bólinedi.
Táýekeldi baǵalaý bar aqparattardy júıeli túrde qoldaný jolymen júrgiziledi.
6. Baqylaý sýbektisiniń baly kelesi krıterıılerge sáıkes beriledi:
1) joıylmaıtyn atqarýshylyq is júrgizý týraly zańnama normalarynyń buzýshylyqtarynyń bolýy - 5 ball;
2) jeke sot oryndaýshysyna qatysty prokýrorlyq áreket etý aktisiniń bolýy - 3 ball;
3) jeke sot oryndaýshysyna qatysty sot tártibinde joıylǵan, keıin zańdy kúshine engen atqarýshylyq árekettiń, jeke sot uıǵarymdarynyń bolýy - 3 ball;
4) jeke sot oryndaýshysynyń keńsesinde Qazaqstan Respýblıkasy Ádilet mınıstriniń m.a. 2010 jylǵy 3 qarashadaǵy № 306 buıryǵymen bekitilgen is júrgizý erejesiniń (Normatıvtik quqyqtyq aktilerdi memlekettik tirkeý tiziliminde 6628 nómirimen tirkelgen) qadaǵalanbaýy- 3 ball;
5) Qazaqstan Respýblıkasynyń Ádilet mınıstriniń m.a. 2010 jylǵy 3 qarashadaǵy № 307 buıryǵymen bekitilgen jeke sot oryndaýshysy keńsesiniń ornalasqan jerine jáne jabdyqtalý talaptarynyń (Normatıvti quqyqtyq aktilerdi memlekettik tirkeý tiziliminde 6629 nómirimen tirkelgen) qadaǵalanbaýy - 2 ball;
6) azamattyq-quqyqtyq jaýapkershilik kelisimshartynyń bolmaýy – 5 ball;
7) jeke sot oryndaýshysynyń Kásibı ar-namys kodeksin buzǵany úshin tártiptik jazasynyń bolýy - 2 ball;
8) Qazaqstan Respýblıkasynyń Ádilet mınıstriniń m.a. 2010 jylǵy 3 qarashadaǵy № 308 buıryǵymen bekitilgen atqarýshylyq qujattardy oryndaý kezinde tyıym salynǵan múlikti satý erejesin (Normatıvti quqyqtyq aktilerdi memlekettik tirkeý tiziliminde 6630 nómirimen tirkelgen) buzý týraly – 5 ball;
9) jeke sot oryndaýshysynyń kómekshisimen eńbek shartynyń bolmaýy - 2 ball;
10) atqarýshylyq is-áreketterdi jasaý kezinde jeke sot oryndaýshylarynyń qyzmetine (áreketsizdigine) jeke jáne zańdy tulǵalardyń negizdi shaǵymynyń bolýy- 1 ball;
11) jeke jáne zańdy tulǵalardy qabyldaý júzege asyrylmaýy-1 ball;
12) Qazaqstan Respýblıkasynyń Ádilet mınıstriniń m.a. 2010 jylǵy 3 qarashadaǵy № 303 buıryǵymen bekitilgen jeke sot oryndaýshysynda taǵylymdamadan ótý erejesiniń (Normatıvti quqyqtyq aktilerdi memlekettik tirkeý tiziliminde 6625 nómirimen tirkelgen) talaptaryn qadaǵalanbaýy - 2 ball;
7. Árbir táýekel krıterııi boıynsha shekti kólemi bar tıisti baldar beriledi.
8. Táýekel krıterııleriniń baldary barlyq krıterııler boıynsha jalpy qorytyndysyn anyqtaý úshin qosyldy.
9. Barlyq táýekel krıterııleri boıynsha sandyq qorytyndysy baqylaý sýbektisin táýekel dárejeleri boıynsha saralanady.
10. Tekseris sýbektilerin táýekel dárejeleri boıynsha bólý mynadaı túrde júzege asyrylady:
1) táýekeldiń joǵarǵy dárejesi – 25 baldan joǵary;
2) táýekeldiń ortasha dárejesi – 10-nan 25 balǵa deıin;
3) táýekeldiń tómengi dárejesi – 10 balǵa deıin.
11. Josparly tekseristerdi júrgizý merzimdiligi:
1) jarty jylda 1 ret – táýekel dárejesi joǵary sýbektiler;
2) jylyna 1 ret - táýekel dárejesi ortasha sýbektiler;
3) 2 jylda 1 ret - táýekel dárejesi tómen sýbektiler.
12. Josparly tekseris bir táýekel tobynyń ishinde eń kóp ball jınaǵan baqylaý sýbektisine júrgiziledi.
13. 1 jylǵa deıin jumys ótili bar baqylaý sýbektilerine tekseris olar tirkeýden ótken, jeke sot oryndaýshysynyń laýazymyna taǵaıyndalǵan kezden bastap bir jyl ishinde júrgiziledi.
Tekseris nátıjesi boıynsha baqylaý sýbektileriniń táýekel dárejesin baqylaý júzege asyrylady.
Qazaqstan Respýblıkasy Ádilet mınıstrliginiń
2013 jylǵy «____»___________ №__________ buıryǵyna 2-qosymsha
nysan
Jeke negizde (jeke sot oryndaýshylarynyń)atqarýshylyq
qujattardy oryndaý qyzmetiniń
TEKSERÝ PARAǴY
Tekseristi taǵaıyndaǵan organ_____________________________________
Tekseris belgileý aktisi______________________________________________
(kúni, №)
Tekseris júrgiziletin baqylaý sýbektisiniń aty, ákesiniń aty, tegi _________
Jeke ıdentıfıkasııalyq nómir (JIN)_________________________________
Tekseris júrgiziletin jerdiń mekenjaıy_______________________________
Tekseris júrgizilgen kezeń____________________________________________
Tekseris júrgizý merzimi_____________________________________________
(tekseris júrgizý úshin ketken kúnder)
Tekseristiń bastalǵan jáne aıaqtalǵan kezi______________________________
(kúni, ýaqyty)
№ Talaptar tizbesi Iá Joq
1 Jeke sot oryndaýshylarynyń atqarýshylyq is-áreketti jasaý kezinde «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasy Zańnyń talaptaryn saqtaýy
2 Jeke sot oryndaýshysynyń keńsesinde Qazaqstan Respýblıkasy Ádilet mınıstriniń m.a. 2010 jylǵy 3 qarashadaǵy № 306 buıryǵymen bekitilgen is júrgizý erejesin (Normatıvtik quqyqtyq aktilerdi memlekettik tirkeý tiziliminde 6628 nómirimen tirkelgen) saqtaýy
3 Qazaqstan Respýblıkasynyń Ádilet mınıstriniń m.a. 2010 jylǵy 3 qarashadaǵy № 307 buıryǵymen bekitilgen jeke sot oryndaýshysy keńsesiniń ornalasqan jerine jáne jabdyqtalý talaptaryn (Normatıvti quqyqtyq aktilerdi memlekettik tirkeý tiziliminde 6629 nómirimen tirkelgen) saqtaýy
4 Jeke sot oryndaýshysynyń azamattyq-quqyqtyq jaýapkershiligin saqtandyrý shartynyń bolýy
5 Jeke sot oryndaýshysynyń Kásibı ar-namys kodeksin saqtaýy
6 Qazaqstan Respýblıkasynyń Ádilet mınıstriniń m.a. 2010 jylǵy 3 qarashadaǵy № 308 buıryǵymen bekitilgen atqarýshylyq qujattardy oryndaý kezinde tyıym salynǵan múlikti satý erejesin (Normatıvti quqyqtyq aktilerdi memlekettik tirkeý tiziliminde 6630 nómirimen tirkelgen) saqtaýy
7 Qazaqstan Respýblıkasynyń Ádilet mınıstriniń m.a. 2010 jylǵy 3 qarashadaǵy № 303 buıryǵymen bekitilgen jeke sot oryndaýshysynda taǵylymdamadan ótý erejesiniń (Normatıvti quqyqtyq aktilerdi memlekettik tirkeý tiziliminde 6625 nómirimen tirkelgen) talaptaryn saqtaýy
8 Jeke sot oryndaýshysynyń árbir kómekshesinmen eńbek shartynyń bolýy
9 Jeke sot oryndaýshysyna qatysty prokýrorlyq áreket etý aktisiniń bolmaýy
10 Jeke sot oryndaýshysyna qatysty sot tártibinde joıylǵan, keıin zańdy kúshine engen atqarýshylyq árekettiń, jeke sot uıǵarymdarynyń bolmaýy
11 Atqarýshylyq is-áreketterdi jasaý kezinde jeke sot oryndaýshylarynyń qyzmetine (áreketsizdigine) jeke jáne zańdy tulǵalardyń negizdi shaǵymynyń bolmaýy
12 Azamattardy qabyldaýdy júze asyrý
Laýazymdy tulǵalar:
__________________________________________________________________
(aty , ákesiniń aty, tegi, laýazymy) (qoly)
__________________________________________________________________
(aty, ákesiniń aty, tegi, laýazymy) (qoly)
Baqylaý sýbektisi:
__________________________________________________________________
(aty, ákesiniń aty, tegi, laýazymy) (qoly)
Eskertý: birneshe paraqta jazylǵan tekserý paraǵyn tekseristi júzege asyrǵan organ tigip, nómirleıdi.
Buıryq Qazaqstan Respýblıkasynyń Ádilet mınıstrliginde 2013 jylǵy 1 sáýirde Normatıvtik quqyqtyq kesimderdi memlekettik tirkeýdiń tizilimine № 8400 bolyp engizildi.
