Departament mýzeıi Saıası qýǵyn-súrgin qurbandaryn eske alý kúni qarsańynda onlaın-rejimde vıdeoekskýrsııa sharalaryn ótkizip jatyr. Oǵan vedomstvolyq áleýmettik jeliler arqyly kirýge bolady.
Qostanaı oblysy PD mýzeıiniń meńgerýshisi Nazıra Symbalıýktiń aıtýynsha, vedomstvonyń arnaıy memlekettik muraǵatynda zańsyz sottalyp, keıinnen aqtalǵan 4349 adamǵa qatysty qylmystyq is saqtalǵan.
–Qatań jazaǵa tipti áıelder de ilikken. Máselen, «Shirkeýler» dep atalatyn eki toptyq is boıynsha ǵana 24 áıel atylǵan. Olardyń bar kinási - Qudaıǵa sengeni, - deıdi N. Symbalıýk.
Mýzeı sóresinde saıası qýǵyn-súrgin qurbandarynyń fotosýretteri men olardyń eshbir kinási joqtyǵyn aıǵaqtaıtyn aryzdarynyń túpnusqasyn kórýge bolady. Máselen, 1938 jyldyń aqpanynda KSRO Joǵarǵy Sotynyń Áskerı alqasy Habıbýlla Bashaevty atýǵa úkim shyǵarǵan. Ol 1958 jyldyń 1 naýryzynda aqtalypty. Dál osy aıyppen Amangeldi aýdandyq partııa komıtetiniń hatshysy Izmaılov Haırýsh Nurýshuly atý jazasyna kesilgen. Izmaılov sotta jaýap berýden bas tartady. Ol ultshyl kóterisshilerge qatysy bar ekenin aıǵaqtaıtyn dálelderdiń bolmaýyna baılanysty 1959 jyly aqtalady.
Mýzeı derekterine úńilsek, Qostanaıda Reseıdiń Qıyr Shyǵys jáne Ýssýrıı aımaǵynan shyqqan 100-den astam káris ultynyń ókili atylypy. Keıbireýine qatysty qylmystyq is birneshe betten turady. Olardyń kóbi orys tilin bilmegendikten, kinásin moıyndaǵan.
Zobalań jyldary qýǵyn-súrginge ushyraǵan, aqtalǵan azamattar týraly málimetterdi QR IIM vedomstvolyq web-portalynyń «Memorıal» respýblıkalyq servısinen tabýǵa bolady.
–Bul - elimizdiń tarıhyndaǵy erekshe qaraly kezeń. Biz árqashan qýǵyn-súrgin qurbandaryn eske alamyz. Bizde budan ózge ishki ister organdaryndaǵy eń kóne mýzeı jumys istep tur jáne onda kóptegen tarıhı eksponattar bar. Sondyqtan polısııa qyzmetkerleri departament murajaıyna jıi baryp, Qazaqstan tarıhymen jáne polısııanyń qurylý tarıhymen tanysady. Biz árbir polısııa qyzmetkeri elimizdiń tarıhyn bilý kerek ekenin únemi aıtyp otyramyz, - deıdi Qostanaı oblysy PD bastyǵynyń orynbasary Ardaq Yntyqbaev.
Qostanaı oblysy
