«KEGOC» AQ – ortalyqtandyrylǵan jedel-dıspetcherlik basqarýdy, basqa memleketterdiń energııa júıelerimen qatarlas jumysty qamtamasyz etýdi, energııa júıesindegi balansty qoldaýdy, júıelik kórsetiletin qyzmetterdi jáne elektr energııasy naryǵy sýbektilerinen qosalqy kórsetiletin qyzmetterdi satyp alýdy, sondaı-aq elektr energııasyn ulttyq elektr jelisi boıynsha berýdi, oǵan tehnıkalyq qyzmet kórsetýdi jáne paıdalaný ázirliginde ustaýdy júzege asyratyn júıelik operator.
Nurlan Noǵaev júıelik operatordyń ulttyq dıspetcherlik ortalyǵynyń jumysymen tanysty, sondaı-aq elektr energetıkasy salasyn damytý máseleleri boıynsha keńes ótkizdi. «KEGOC» AQ Basqarma Tóraǵasy Baqytjan Qajıev Mınıstrge Qazaqstannyń elektr energetıkasy salasynyń aǵymdaǵy jaı-kúıin málimdedi.
Jumys barysynda «KEGOC» AQ-tyń jumys nátıjeleri týraly, Ulttyq elektr jelisin kúsheıtý jónindegi iske asyrylǵan jáne aǵymdaǵy jobalar týraly, sondaı-aq kompanııanyń perspektıvti jobalary týraly esepter tyńdaldy.
Sondaı-aq, Mınıstrge JEK sektoryndaǵy jáne qýat naryǵynda «Jańartylatyn energııa kózderin qoldaý jónindegi qarjy-esep aıyrysý ortalyǵy» JShS-nyń qyzmeti týraly aqparat jáne elektr energetıkasy naryǵynyń osy segmentterine egjeı-tegjeıli taldaý usynyldy.
Keńestiń qorytyndysy boıynsha Energetıka mınıstri ýákiletti tulǵalarǵa birqatar naqty tapsyrmalar berdi.
