– Atyraý qalalyq polısııa basqarmasynyń 102 nómirine Mahambet kóshesindegi kóp qabatty úılerdiń biriniń aýlasynda oınap júrgen 2011 jylǵy balanyń joǵalǵany týraly habar tústi. Áıel adamnyń aıtýynsha, ony qalanyń shetkeri shaǵynaýdanynda turatyn baýyry ýaqytsha qaraýǵa qaldyrǵan, - dep habarlady departamenttiń baspasóz qyzmeti.
Joǵalǵan balany izdeýge qalalyq polısııa basqarmasynyń jeke quramy jumyldyryldy. Arada jarty saǵatqa jýyq ýaqyt ótkende ıývenaldy polısııa bóliminiń aǵa ınspektory, polısııa kapıtany Erlan О́tenııazovtan rasııa arqyly joǵalǵan balanyń Abaı-Dostyq kósheleriniń qıylysyndaǵy úılerdiń aýlasynan tabylǵany týraly habar tústi. Balanyń aıtýyna qaraǵanda, oınap júrip, týysynyń úıinen uzap ketkenin baıqamaǵan.
