«Qurmetti baıqońyrlyqtar!
QR Sıfrlyq damý, ınnovasııalar jáne aeroǵarysh ónerkásibi mınıstrliginiń, Qazaqstannyń ǵarysh salasyndaǵy kásiporyndardyń barlyǵynyń atynan "Baıqońyr" ǵarysh kesheniniń 65-jyldyǵyna oraı joldaǵan eń ıgi lebizimizdi qabyl alyńyzdar!
Baıqońyr - ǵaryshty beıbit maqsatta ıgerý, jańa ǵaryshtyq tehnologııalardy damytý, keshen qyzmetkerleri men Baıqońyr qalasynyń turǵyndaryna qamqorlyq kórsetý isinde Qazaqstan men Reseı yntymaqtastyǵynyń negizgi vektorynyń biri bolyp qalmaq.
Qos memleket basshylarynyń qoldaýynyń arqasynda Baıqońyr ǵarysh aılaǵy álemdik ǵarysh ındýstrııasyn damytýdyń aldyńǵy qatarynda, ǵylymı-tehnıkalyq progrestiń sımvoly, ózara tıimdi áriptestiktiń aıǵaǵy bolyp tabylady.
Ǵaryshty ıgerýge atsalysyp júrgen mamandar men qyzmetkerlerdi aıtýly datamen quttyqtaımyn! Sizderdiń qyzmetterińiz - qazirgi ǵylym men ınnovasııany damytý, bolashaq urpaqqa qaldyratyn ozyq tehnologııalardy damytýǵa úles qosý.
Sizderdiń qıyn da qyzyq jumystaryńyzǵa sáttilik, úılesimdilik, jańa jetistikter, ózderińizge myqty densaýlyq, otbasylaryńyzǵa amandyq, baq-bereke tileımin!
Kóktemde qyzǵaldaqpen birge qulpyrǵan baıtaq dala men adamzattyń ǵarysh týraly armany júzege asqan qutty meken – Baıqońyrdyń ári qaraı damýy men órkendeýine tilektespin», - dedi Asqar Jumaǵalıev.
