Aımaqtar • 02 Maýsym, 2020

Qostanaı oblysynda joldar jóndeledi

171 ret

kórsetildi

1 mın

oqý úshin

Bıyl aımaqta avtokólik joldaryn jóndeýge jalpy kólemi 44,9 mlrd teńge qarastyrylyp otyr. Máselen, «Nurly jol» baǵdarlamasy aıasynda 18,5 mlrd teńge, al «Jumyspen qamtý jol kartasy» boıynsha 20,3 mlrd teńge ıgerilmek. Sondaı-aq, «Aýyl – Elbesigi» arnaıy jobasy sheńberinde 6,1 mlrd teńge qarastyrylyp otyr.

Nurqanat QULABAEV

Búgin aımaq basshysy Arhımed Muhambetov qala jáne aýdan ákimderiniń basyn qosyp, atalmysh jobalardy júzege asyrý barysyn pysyqtady.

Jolaýshylar transporty jáne avtokólik joldary basqarmasynyń basshysy Oljas Nurǵalıevtiń aıtýynsha, bıyl «Nurly jol» baǵdarlamasy sheńberinde 517 shaqyrym jolǵa jóndeý júrgizilmek. Búginge deıin «Jumyspen qamtý jol kartasy» boıynsha 146 jobaǵa qatysty konkýrs jarııalanyp, merdigerler anyqtalǵan. Munyń syrtynda «Aýyl – Elbesigi» arnaıy jobasy men jergilikti bıýdjet esebinen 98 joba qolǵa alynyp otyr. Basqarma basshysy, sonymen qatar «Jumyspen qamtý jol kartasy» baǵdarlamasy aıasynda 105 nysanda qurylys-montaj jumystary bastalǵanyn aıtty. Atalmysh baǵdarlama 5 myńǵa jýyq adamdy jumyspen qamtyp otyr. Onyń jartysyna jýyǵy eńbekpen qamtý ortalyqtary arqyly ornalasqan jergilikti turǵyndar.

Qostanaı oblysy