Otyrysta Mádenıet jáne sport vıse-mınıstri О́rken Bısaqaev jáne Senat depýtaty Manap Kóbenov baıandama jasady.
Zań jobasynyń negizgi maqsaty – lotereıalar jáne lotereıa qyzmeti salasyndaǵy qoǵamdyq qatynastardy quqyqtyq retteýdiń tetigin jetildirý.
Zań jobasy lotereıa taratýshynyń (agentiniń) qyzmetin retteıdi jáne osy baǵytta qoldanylyp júrgen quqyqtyq kemshilikterdiń ornyn toltyrady. Bul ózgerister azamattardyń quqyǵy men zańdy múddeleriniń qorǵalýyn kúsheıte túsedi, sondaı-aq lotereıa qyzmetin retteıtin ýákiletti organnyń jedel is-qımylyn qamtamasyz etedi.
Senator M. Kóbenovtiń aıtýynsha «Zań jobasynda lotereıa operatory bolyp sanalmaıtyn adamdardyń lotereıa ótkizgeni úshin jańa ákimshilik jaýapkershilik qarastyrylǵan. Jarnama týraly zańnamaǵa sáıkes lotereıa operatory men taratýshylarynan bólek ózge tulǵalardyń lotereıa jarnamasyn ornalastyrýyna da tyıym salynyp otyr».
Talqylaý qorytyndysy boıynsha qujat Palata qaraýyna joldandy.
