Semeı qalasynyń 1962, 1976, 1996, 2019 jyldary týǵan jáne Semeı qalasyna kelgen Nur-Sultan qalasynyń 1987 jylǵy turǵynynan jáne Reseı Federasııasynan kelgen Almaty qalasynyń 1996 jylǵy turǵynynan PTR dıagnostıkalyq zertteý nátıjeleri COVID-19 vırýsyn anyqtady.
Epıdemıologııalyq kórsetkishter boıynsha zerthanalyq analız 1 adamnan buǵan deıin koronavırýsty juqtyrǵan adammen qarym-qatynasta bolǵany úshin, 3 adamnan JRVI jáne pnevmonııa aýrý belgilerine monıtorıng jasaý kezinde jáne 2 adamnan shet elden (RF) kelgeni úshin alynǵan.
Qazirgi ýaqytta qaýipti vırýsty juqtyrǵan naýqastardyń barlyǵy juqpaly aýrýlar stasıonaryna jatqyzylǵan.
Olarmen baılanysta bolǵan adamdardy epıdemıologııalyq jáne medısınalyq túrde tekserý úshin TKQSQB aýmaqtyq basqarmasynyń mamandary men medısına qyzmetkerlerinen quralǵan mobıldi top uıymdastyrylyp, aýrý oshaqtarynda zararsyzdandyrý sharalaryn júrgizip jatyr. Epıdemıologııalyq tergeý jáne epıdemııaǵa qarsy sharalar qolǵa alynǵan.
О́tken táýliktegi jaǵdaı boıynsha oblysta koronavırýsty juqtyrǵan jalpy 148 adam tirkelgen, olardyń ishinde 54 naýqas jazylyp shyqqan.
