Bul ıdeıany qıyn kezeńde bir-birine janashyrlyq tanytý, qamqor bolý, birlikti saqtaý paryzymyz dep biletin volonterlik, qaıyrymdylyq jáne basqa da uıymdar, jeke kásipkerler, memlekettik organdar qoldady. Árkim óz tarapynan kórsete alatyn barlyq qyzmetin kórsetip jatyr.
«Azamattarǵa arnalǵan úkimet» memlekettik korporasııasynyń qyzmetkerleri Qazaqstan azamattaryna memlekettik qyzmetterdi onlaın usyný, áleýmettik tólemder jasaýda úzdiksiz, úzilissiz jumys istese, atalmysh mekeme úshin de qyzmet etkender boldy.
Almaty HQO-lary eki aıdan keıin 25 mamyr kúni qaıtadan óz esigin ashty. Áli de sıfrlyq qyzmetterdi alýǵa daǵdylana qoımaǵan turǵyndar, alǵashqy kúni-aq HQO-larǵa lap qoıdy. Mundaıda karantın kezindegi saqtyq sharalaryn saqtaýdy eskermeıtinder de tabylyp jatty. Osyndaı kezde Almaty qalasynyń IID qyzmetkerleri kómekke kelip, azamattardyń tártip sharalaryn saqtaýyna úles qosty. Ásirese, Jetisý aýdandyq IIB qyzmetkerlerine, bólim basshysynyń birinshi orynbasary Erlan Arǵymbaevty bóle-jaryp ataýǵa bolady. Bólim qyzmetkerleri ár kúni tańǵy 9-dan keshki 20-ǵa deıin kezekshilikpen qyzmet kórsetýde.
«Jaqsynyń jaqsylyǵyn aıt, nury tasysyn» demekshi, Jetisý aýdany ákimi Maqsat Qıqymovtyń ujymymyzǵa kórsetken qoldaýy úshin, shyn júrekten alǵysymdy bildiremin!» - dep jazdy feısbýktaǵy paraqshasynda «Azamattarǵa arnalǵan úkimet» memlekettik korporasııasy Almaty qalasy fılıalynyń dırektory Danııar Qyryqbaev.
«Jetisý aýdanynyń Ákimi Qıqymov Maqsat Sákenulynyń aýdandaǵy HQO men №3 Mamandandyrylǵan HQO-ǵa kórsetip otyrǵan qamqorlyǵyn erekshe aıtqym keledi. Mundaǵy qyzmet alýǵa kelýshilerdiń densaýlyq jaǵdaıyn oılastyryp, front-ofıste dárigerlik burysh ashyp, ol jerde dárigerlerdiń kezekshiligin uıymdastyrýǵa yqpal etti. Úıinde elektrondyq qyzmet alý múmkindigi joq aýdan turǵyndary úshin HQO-dan tys oryndarda ózine-ózi qyzmet kórsetý sektorlaryn ashyp berdi. Sonymen qatar, Jetisý aýdandyq front-ofıske kelýshilerdiń dene qyzýyn ólsheıtin teplovızor apparatymen de aýdan ákimi Maqsat Sákenuly qamtamasyz etkenin aıtqym keledi» – deıdi ol.
«Osyndaı qıyn-qystaý kezde halyqtyń bir jaǵadan bas, bir jeńnen qol shyǵarý – ata-babalarymyzdan urpaqqa berilip kele jatqan jaqsy qasıet. Osyndaı aýyzbirshilik arqasynda barlyq qıyndyqtardy jeńetinimizge senemin...» – deıdi fılıal dırektory.
ALMATY
