Kóshetterdi otyrǵyzý aksııasy Ile-Alataý parkiniń túrli shatqaldarynda buryn birqatar týrıstik soqpaqtardy, jaıaý júrginshiler kópirlerin jáne týrıstik ınfraqurylym obektilerin memleket tarapynan qarajat tartýsyz jaılandyrýmen aınalysqan Ulttyq saıabaqtardy qoldaý jónindegi qoǵamdyq qor basshysy Sergeı Spısynnyń bastamasymen uıymdastyryldy.
Aksııaǵa ekologııalyq qoǵam ókilderi qatysty, olardyń arasynda «Tabıǵat» Qazaqstan qaýymdastyqtary men kásiporyndary ekologııalyq odaǵynyń jetekshisi Mels Eleýsizov, «Qazekologııa» respýblıkalyq ǵylymı-óndiristik jáne aqparattyq ortalyǵynyń basshysy Amangeldi Sqaqov, sondaı-aq tabıǵatqa beı-jaı qaramaıtyn Qazaqstan azamattary boldy.
Sıvers almasy birneshe myń jyl boıy Ile Alataýy, Qazaqstannyń ońtústigi men shyǵysyndaǵy taýlarda ósedi, ol Qyzyl kitapqa engen jáne ekologtardyń pikirinshe, ony sırek kezdesetin túr, sonymen qatar aımaqtyń jáne tutastaı eldiń sımvoly retinde saqtaý jáne odan ári jandandyrý úshin qorǵaý men aýqymdy jumys atqarylýy qajet.
– Bizdiń adamdardyń kóbi úshin ulttyq parkke barý – bul káýap pen iship-jeý dep biledi. Mundaı demalystan keıin úıilgen qoqys pen kesilgen aǵashtar qalady, mundaı kóriniske barlyǵymyz birneshe ret kýá boldyq. Ulttyq parkke barýdyń sheteldik tájirıbesi basqa – bul eń aldymen, janýarlar men ósimdikterdiń ómiri týraly aqparat alý, baqylaý jáne paıymdaý, sondaı-aq jaýapkershiligi bar ekologııalyq týrızm, – deıdi Mels Eleýsizov.
Sonymen qatar, aksııa barysynda aıtylyp ótkendeı, Ile-Alataý ulttyq parkine kelýshilermen aǵartý jumystaryn jaqyn arada jańasha uıymdastyrý josparlanyp otyr. Jaqynda Aıýsaı shatqalynda qazirgi zamanǵy ekologııalyq vızıt-ortalyq paıda bolady, onda kelýshilerdi Ulttyq parkte qandaı ósimdikter ósip, qandaı janýarlar mekendeıtini týraly habardar etý jumystary bastalady. Balalar úshin qyzyqty sabaqtar men eresek kelýshiler úshin ekskýrsııalar uıymdastyrylady. Sondaı-aq, qazirgi ýaqytta bar jáne jańa joldardy qaıta uıymdastyrý, onyń ishinde aınalma jaıaý júrginshiler joldaryn qurý josparlanýda, kelýshiler marshrýttyń uzaqtyǵy men kúrdeliligi týraly qajetti barlyq aqparatpen, navıgasııamen, demalýǵa arnalǵan oryndarmen jáne kórinis alańdarymen qamtamasyz etiledi. Bul rette barlyq joldar tegin bolmaq, vızıt-ortalyqqa barý úshin eshqandaı qosymsha aqy alynbaıdy.
– Bizdiń aksııamyzdyń ıdeıasy – ulttyq park vızıt-ortalyǵynyń janynda jaqyn arada osy shatqalǵa dástúrli túrde keletin Sıvers alma baǵynyń boı kóterýine septigimizdi tıgizý, mundaı jaǵdaıda kelýshilerdiń saıabaqtyń florasymen tanysyp, demalýyna, al oqýshylardyń ekologııalyq tálim-tárbıe boıynsha sabaq alýyna múmkindigi bolady, – dedi aksııany uıymdastyrýshy Sergeı Spısyn.
Otyrǵyzýǵa arnalǵan kóshetter Ile-Alataý ulttyq parkiniń tálimbaǵynan alyndy, onyń mindeti – sırek endemııalyq ósimdikterdi ósirý jáne qalpyna keltirý. Aksııa ál-Farabı atyndaǵy Qazaq Ulttyq ýnıversıtettiń qoldaýymen ótti.
Almaty
