Bul – Qyzdar ýnıversıtetiniń professor-oqytýshylary men bilikti qyzmetkerleriniń tabysy. Reıtıng jan-jaqty jáne akademııalyq belsendilikti, stýdentterdiń úlgerim kórsetkishterin, professorlyq-oqytýshylyq quramnyń jumysyn, ǵylymı-zertteý jáne ınnovasııalardy, halyqaralyq yntymaqtastyqty, aqparattyq qoldaýdy, túlekterdiń jumysqa ornalasý nátıjelerin, sondaı-aq baǵalaýdy qamtıdy. Sonymen qatar jumys berýshilerdiń bedeli men táýelsiz sarapshylardyń pikiri jáne stýdentter men túlekterdiń pikirleri de eskerildi.
– Qyzdar ýnıversıtetin ınstıtýsıonaldy reıtıngti esepteý ádistemesi bes komponentke negizdelip júrgizildi. Birinshi komponent oqý ornynyń akademııalyq qyzmeti, ekinshi komponent sarapshylar baǵasy, úshinshi komponent jumys berýshiler repýtasııasy, tórtinshi komponent stýdentter baǵasy jáne besinshi komponent túlekter baǵasy dep atalady. Bul kórsetkishter boıynsha QyzPÝ joǵary ball jınap, Abaı atyndaǵy Qazaq ulttyq pedagogıkalyq ýnıversıtetinen keıingi ekinshi oryndy aldy, – dep atap ótti oqý ornynyń Baspasóz jáne qoǵammen baılanys bóliminiń basshysy Jandar Asan.
Reıtıng qorytyndysymen IQAA-Ranking agenttiginiń resmı ınternet-resýrsynan tanysýǵa bolady.
