Aımaqtar • 03 Maýsym, 2020

Qyzdar ýnıversıtetinde dıssertasııalyq keńester ashyldy

145 ret

kórsetildi

1 mın

oqý úshin

Qazaq ulttyq qyzdar pedagogıkalyq ýnıversıtetinde «6D060600 – Hımııa» (8D05301 – Hımııa), «6D011300 – Bıologııa» (8D01505 – Bıologııa), «6D011700 – Qazaq tili men ádebıeti» (8D01701 – Qazaq tili men ádebıeti) jáne «6D020500 – Fılologııa» (8D02301 – Fılologııa) mamandyqtary boıynsha fılosofııa doktory (PhD) beıini boıynsha doktor dárejesin berýge arnalǵan dıssertasııalardy qorǵaý boıynsha dıssertasııalyq keńester ashyldy, dep habarlaıdy ýnıversıtettiń baspasóz qyzmeti.

Aınash ESALI

Qyzdar ýnıversıtetinde dıssertasııalyq keńester ashyldy

О́kilettik merzimi – 2022 jylǵy 31 jeltoqsanǵa deıin. Sonymen qatar oqý orny rektorynyń buıryǵy boıynsha dıssertasııalyq keńes quramy da bekitildi.

– Bul Qyzdar ýnıversıtetiniń ǵana emes, elimizdegi atalǵan ǵylym salalarynyń damýyna ashylǵan jol. Sebebi dıssertasııalyq keńes – ǵylymı zertteý jolyna túsken bolashaq ǵalymdardyń eńbegin saralap, jete ǵylymı súzgiden ótkizetin ǵalymdar keńesi. Osy oraıda atap ótken jón buǵan deıin oqý ornynda «Qazaq tili men ádebıeti» jáne «Fılologııa» mamandyqtary boıynsha dıssertasııalyq keńes jumys istegen bolatyn, – deıdi ýnıversıtettiń baspasóz qyzmetiniń jetekshisi Jandar Asan.

Keńesti ashý «Dıssertasııalyq keńes týraly úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2011 jylǵy 31 naýryzdaǵy №126 buıryǵyna ózgeris engizý týraly «Dıssertasııalyq keńestiń úlgilik erejesin bekitý týraly» 2018 jylǵy 18 qyrkúıektegi №512 buıryǵyna jáne Qazaq ulttyq qyzdar pedagogıkalyq ýnıversıteti Ǵylymı keńesiniń sheshimine sáıkes quryldy.

ALMATY