Kýágerlerdiń aıtýynsha, balyqtyń ýyldyryq shashý maýsymynda aý qurǵan zeınetkerdiń qaıyǵynda jeke qutqarý quraly bolmaǵan.
- Zeınetkerdiń joǵalǵany týraly habar Fedorov aýdanynyń TJ bólimine 2 maýsym kúni saǵat 19:36-da kelip tústi. Oqıǵa ornyna jergilikti TJ qutqarýshylary men jedel-tergeý toby shyqty. 3 maýsymda saǵat 02:30-da sýǵa ketken adamnyń denesi tabyldy. Oqıǵanyń mán-jaıy anyqtalýda, sot-medısınalyq saraptama taǵaıyndaldy. 25 mamyrdan bastap qutqarýshylar kúsheıtilgen qyzmetke kóshti. Kún saıyn aldyn alý jumystary barysynda sý aıdyndarynda, qoǵamdyq oryndarda, turǵyn úı sektorynda, orman-dala alqaptarynda reıdter uıymdastyrylyp, turǵyndarǵa nusqaýlyq paraqshalar taratylyp jatyr, - dep habarlady tótenshe jaǵdaı departamentiniń baspasóz qyzmeti.
Qostanaı oblysy
