Alqaly jıynda atalǵan zań jobasyn Mádenıet jáne sport mınıstri Aqtoty Raıymqulova tanystyrdy.
Onyń aıtýynsha, 2017 jyly Úkimet jarlyǵymen «Sátti Juldyz» Aksıonerlik qoǵamy lotereıa operatory bolyp 15 jyl merzimge anyqtaldy. Lotereıa operatorynyń qyzmetkerleriniń sany 748 adamdy quraıdy. Respýblıka boıynsha 3 myńǵa jýyq taratýshylar (agentter) sany shaǵyn jáne orta kásipkerlerden turady. Olarmen kelisim sharttar negizinde jumys júrgiziledi, ıaǵnı lotereıa operatory lotereıanyń durys júrgizilýine jáne taratylýyna tikeleı ózi jaýap beredi. Sondaı-aq lotereıa bıletterin taratýdy óziniń negizgi qyzmetterimen qatar atqaratyn iri dıstrıbıýterler bar. Mysaly, «Qazpochta» Aksıonerlik Qoǵamy jáne iri sýpermarketter jelisi.
Zań jobasyna birqatar ózgertýler men tolyqtyrýlar engizildi: Atap aıtqanda, lotereıa operatory bolyp tabylmaıtyn tulǵaǵa lotereıa oıyndaryn júrgizgeni úshin ákimshilik jaýapkershilikke tartý; komıssııalyq kelisimshart aıasynda ornalastyrylǵan jarnamadan bólek lotereıa jarnamasyna tyıym salý; lotereıalardy ótkizý aýmaǵyna jáne tehnologııasyna, sonymen qatar júlde pýlyn qalyptastyrý ádisine baılanysty jikteýdi, sondaı-aq ýákiletti organ bekitken erejelermen lotereıa ótkizý tártibin, sharttary men erekshelikterin retteý sııaqty normalar qarastyrylǵan.
