MUNAI-GAZ О́NERKÁSIBINE QYZYǴÝShYLYQ

Atyraý qalasynda “Atyraý Munaı, Gaz jáne Infraqurylym – Atyrau Oil & Gas 2010” kórmesi men “OilTech Atyrau” konferensııasy ótti. Oǵan  Ulybrıtanııa, Germanııa, Italııa, Qazaqstan, Qytaı, Lıtva, Reseı, Túrkııa, Ýkraına men Fransııadan kelgen 100 kompanııa qatysty. Kórmede “QazMunaıGaz” UK, “Teńizsheshevroıl” men “North Cas­pian Operating Company” (NCOC) kompanııalarynan basqa munaı-gaz salasynda servıstik qyz­met kórsetetin, munaı-gaz jabdy­ǵyn, arnaıy kıimdi jáne qorshaǵan ortany qorǵaý jónindegi tehnolo­gııa­lardy usynatyn, sondaı-aq qu­ry­lys salý men ınfraqurylym salasynda jumys isteıtin kompa­nııa­lardyń jumysy men ónimine aıryqsha qyzyǵýshylyq tanytýda. Olardyń arasynda “Atyraý­Nefte­Mash”, “KazPromPrıbor”, “Ser­vıs­nyı sentr “KazTýrboRemont”, “Prıkaspııskıı mashınostroı­tel­nyı kompleks” JShS, “Ener­go­sentr Azııa” sekildi otandyq kom­panııalardyń qatysyp otyrǵanyn erekshe atap ótý kerek. Reseıdiń kompanııalary da kóptep qatysýda. Kórme aıasynda “OilTech Atyrau” tehnıkalyq konferensııa­sy bastaldy. Onyń jumysyna 150 delegat qatysýda. Tehnıkalyq kon­ferensııanyń taqyryptar aıasy keń. Máselen, “Atyraý oblysynyń Qazaqstannyń saıası jáne eko­no­mı­kalyq damýyndaǵy róli”,  “Qa­zaqstannyń barlaý jáne óndirý sektoryn strate­gııalyq damytýdaǵy memlekettiń róli”, “Sý resýrstary men tókpe sýlardy basqarý: she­shim­der jáne tehnologııalar”, “Qa­tal klımat jaǵdaılarynda saqtap qalý arqyly kúrdeli jumsalym­dar­dy qorǵaý”, “Batys Qazaqstan aı­maǵynyń shekterinde ınjenerlik-geologııalyq (geoekologııalyq) zertteýler júrgizý konsepsııasy”, “Qazaqstannyń munaı óńdeý ónerkásibin damytý: naqty my­sal­dar  Atyraý munaı óńdeý zaýyty”, jáne taǵy basqa taqyryptardy qamtymaq. Sondaı-aq, osy kúni “Qazaq munaı jáne gaz ınstıtýty” AQ negizinde qurylǵan, Qazaqstan úshin biregeı mańyzy bar petrofı­zı­kalyq laboratorııa ashyldy. Zamanaýı jabdyqpen jaraqtalǵan bul laboratorııa aımaqtyń jer qoınaýyn paıdalanýshylaryna kern materıalyna jergilikti ma­man­dardyń kúshimen qajetti jedel ári sapaly zertteý júrgizýge múm­kin­dik beretin boldy. Buryn mun­daı zertteý tek shetelde júrgiziletin. Osy konferensııada “Nefte­gaz” GNKAR ǴZО́I óziniń jańa ázirlenimderin usyndy. “Neftegaz” GNKAR ǴZО́I dırektory Ismaı­lov Fahreddın Sattar ogly “Jańa kompozısııalyq deemýlgator” taqyrybynda baıandama jasady. Instıtýt Ázirbaıjan men Qazaq­stannyń ken ornynyń turaqty munaı emýlsııalaryn ydyratý úshin deemýlgasııa áserin tıgizetin keıbir kompozısııalyq quramdardy ázirledi. Qazaqstanda sońǵy on jyldyń ishinde munaı shyǵarý kó­lemi eki ese ulǵaıdy. Kómirsýtek shıkizatyn álemdik rynoktarǵa tasymaldaýdyń jańa baǵyttary aı­qyndalýda. Munaı-gaz salasynyń damýy Qazaqstan ekonomıkasynyń shıkizattyq emes sektorlarynyń damý qarqynyna oń áser etedi. Búginde Qazaqstan Eýrazııa aımaǵynyń kóshbasshy elderiniń birine aınaldy. El ekonomıka­sy­nyń damýynda munaı-gaz óner­ká­sibiniń róli basym bolyp otyr. О́ndiristik qýatttardyń ósýi jáne kólik ınfraqurylymynyń keńeıýi munaı-gaz salasynda qazaqstandyq jáne sheteldik seriktester arasyn­daǵy yntymaqtastyqtyń nyǵaıýy­na septigin tıgizip otyr. Batys Qazaq­stan aımaǵy, sonyń ishinde Atyraý  óńiriniń órkendeý mańyzy erekshe, muny osynda ótkizilip jatqan munaı-gaz is-sharalaryna degen qyzyǵýshylyqtyń barǵan saıyn artyp otyrǵany taǵy da aıǵaqtaıdy, deıdi uıym­dastyrý­shylar. Joldasbek ShО́PEǴUL. Atyraý oblysy.