Onlaın bas qosýdyń plenarlyq otyrysynda aldymen quttyqtaý sózdi QazUAÝ rektory, akademık Tilektes Espolov aldy. Otyrysqa Eýropa, Azııa men AQSh-tyń 100 shaqty ýnıversıteti men ǵylymı ortalyqtarynyń ókilderi qatysyp, 24 sheteldik sarapshy sóz aldy. Onyń ishinde Bolgarııadaǵy Angel Knchev atyndaǵy Rýsensk ýnıversıtetiniń rektory H.Beloev ta bar.
Jazǵy mektep 14 baǵyt boıynsha uıymdastyrylsa, tek qana akademık S.Keshýov jetekshilik etken «Innovasııalyq tehnologııalar jáne aýylsharýashylyǵyndaǵy tehnıkalyq quraldar» baǵytyna 150-den astam Qazaqstan, Armenııa, Belarýssııa, Bolgarııa, Qyrǵyzstan, Reseı jáne О́zbekstannyń magıstranttary qatysty.
QR Prezıdenti Qasym-Jomart Toqaevtyń tapsyrmalaryna sáıkes, memleketimizdiń aldynda agroóndiristik keshenderi salasynda sıfrlandyrý jáne ınnovasııalyq tehnologııalar men tehnıkalyq quraldardy meńgerý mindeti tur. Sondyqtan bıylǵy Halyqaralyq jazǵy mekteptiń mindeti men maqsaty da «Innovasııalyq tehnologııalar jáne aýylsharýashylyǵyndaǵy tehnıkalyq quraldar» taqyrybynyń aýqymyn keńeıtý boldy.
Osyǵan sáıkes, jazdyq mektep «Agroóndiristik keshenderdegi AT-tehnologııalar, avtomattandyrý men mehanızasııa» fakýltetin damytýdyń búgingi jaǵdaıy men keleshegine qatysty saýaldardy qamtydy. Sondaı-aq Qazaqstan-Belarýssııa agroınjenerlik ınnovasııalyq ortalyǵy men joǵarykvalıfıkasııalyq ınjenerlik kadrlar daıyndaýdaǵy ǵylymı-óndiristik agroınjenerııa ortalyǵynyń, aýylsharýashylyǵyndaǵy aqparattyq-sıfrlyq tehnologııalar, aýylsharýashylyǵyna arnalǵan mashınalar men quraldar, mashınalardyń dıagnostıkasy men resýrsyn kóterý, energııa únemdeý, kún energııasy, ınjenerlik ekologııa syndy basqa da salalyq máseleler talqylandy.
Jazǵy mektepke qatysýshylar ásirese, Angel Knchev atyndaǵy Rýsensk ýnıversıtetiniń professory P.Daskalovtyń naqty aýylsharýashylyǵynda ınnovasııalyq aqparattyq jáne kompıýterlik tehnologııalardy basqarýǵa baılanysty problemalyq máselelerge qurylǵan leksııalaryna qyzyǵýshylyq tanytty.
Sonymen qatar Tashkent agrarlyq ýnıversıtetiniń professory I.Sapaev, K.I.Skrıabın atyndaǵy Qyrǵyz Ulttyq agrarlyq ýnıversıtetiniń professorlary Y.Osmonov pen N.Temırbaev, Almaty energetıka jáne baılanys ýnıversıtetiniń professory I.Áldıbekov, Ǵylymı-óndiristik agroınjenerııa ortalyǵynyń professorlary O.Jortýylov pen T.Ábiljanuly leksııa oqydy.
Osy arada jazǵy mektepke qatysýshylar men lektorlardyń joǵary deńgeıde uıymdastyrýshylyq tanytqanyn atap ótken jón. Olardyń árqaısysy da agrarlyq sektor arqyly óz elderiniń damýyna múddelestik tanytty.
Al leksııa materıaldary ǵylymı-zertteý jumystardy júrgizý men tájirıbelik mindetterdi sheshý barysynda qoldanylady. Eń bastysy, Halyqaralyq jazdyq mekteptiń atmosferasynyń ózi qatysýshylarǵa ózara tyǵyz dostyq baılanys ornatyp, selbesip jumys isteýine uzaq jyldarǵa jol ashady.
Sonymen qatar Halyqaralyq jazǵy mektep-2020-ǵa qatysýshylar STARTUP jobalaryna qatysýǵa, aýylsharýashylyǵy salasy men tehnıkalyq ǵylymdaǵy irgeli jáne qoldanbaly zertteýlerdiń ózekti máselelerine arnalǵan ǵylymı maqalalalaryn Qazaq Ulttyq agrarlyq ýnıversıtetiniń ǵylymı jýrnalynda jarııalaýǵa múmkindik alady.
Al jazdyq mektepti onlaın túrinde ótkizý de óz kezeginde zamanaýı aqparattyq tenologııalardyń jetistikteri men qashyqtan bilim berý formatynyń tehnıkalyq múmkindikterin paıdalanýǵa jol ashyp qana qoımaı, onyń geografııalyq aýqymyn da ulǵaıtty. Onlaın mektepte qazirgi aýylsharýashylyǵy óndirisiniń máselelerine qatysty saýaldarǵa jaýaptar berildi.
ALMATY
