Ekonomıkany damytý boıynsha odan arǵy sharalar boljamy týraly ulttyq ekonomıka mınıstri R. Dálenov, Ulttyq bank tóraǵasy E. Dosaev, «Samuryq-Qazyna» UÁQ» AQ basqarma tóraǵasy A. Esimov, «Atameken» UKP basqarma tóraǵasy T. Qulybaev, «Atameken» UKP prezıdıýminiń tóraǵasy T. Qulybaev, «Astana» halyqaralyq qarjy ortalyǵynyń basqarýshysy Q. Kelimbetov, óńirler men salalyq qaýymdastyqtardyń basshylary baıandady.
Premer-Mınıstr Memlekettik komıssııanyń basty mindeti Qazaqstannyń 2025 jylǵa deıingi Strategııalyq damý josparynyń jobasyn jańa redaksııasynda ázirleý ekenin atap aıtty, ol QR Prezıdentiniń qaraýyna bıyl 1 tamyzǵa deıin usynylady.
Qujatta ortasha merzimdi kezeńge arnalǵan elimizdiń jańa ekonomıkalyq baǵytynyń baǵdarlary aıqyndalatyn bolady, onyń ishinde syrtqy ekonomıkalyq konıýnktýradaǵy ózgeristerdi eskerýmen ekonomıkada ınstıtýsıonaldyq jáne qurylymdyq reformalardy júrgizýge qatysty túbegeıli jańa tásilder qamtylady.
«Strategııalyq qujat aǵymdaǵy jáne áleýetti ekonomıkalyq syn-tegeýrinderge jaýabymyz bolady. Bizge elimizdiń básekeli artyqshylyqtaryn barynsha paıdalanýmen Qazaqstan ekonomıkasynyń jańa qurylymyn qalyptastyrý boıynsha sharalardy ázirlep, qabyldaý qajet», — dedi A. Mamın.
Úkimet basshysy memlekettik qoldaýdy otandyq óndiristiń áleýetin kóterýge baǵyttaý arqyly ekonomıkanyń derbestigin arttyrý boıynsha túbegeıli sharalardy qabylaýdyń, tolyqqandy azyq-túlik qaýipsizdigin qamtamasyz etýdiń jáne QR-nyń álemdik azyq-túlik haby retinde qalyptasýynyń, eksporttyq áleýetti belsendi túrde arttyrýdyń jáne qundy qalyptastyrýdyń jahandyq tizbegine kirigýdiń, sapaly ınvestısııalardy targettep tartýdyń, shaǵyn jáne orta bıznesti damytýdyń, sondaı-aq tirshilik áreketiniń barlyq salalaryn sıfrlandyrýdyń mańyzdylyǵyn atap ótti.
