Aqparat jáne qoǵamdyq damý mınıstri Aıda Balaeva Memleket basshysynyń «Eldegi áleýmettik-saıası ózgerister jaǵdaıynda jýrnalıstik qaýymdastyqtyń róli aıtarlyqtaı artady, jýrnalısterdiń jaýapty azamattyq ustanymy, olardyń kásibıligi, shynshyldyǵy – tabysty jumystyń kepili» dep bir jyl buryn aıtqan sózin eske salyp, búginde bul sózdiń salmaǵy odan saıyn artqanyn aıtty.
– Búkil álemdi dúrliktirgen koronavırýs indeti elimizge taralyp, tótenshe jaǵdaı jarııalanǵan kezde bizdiń jýrnalısterimiz de dárigerler, polıseıler jáne áskerılermen qatar óz azamattyq pozısııalarynan aınymaı, qaýiptiń alǵy shebinde júrdi, halyqty shynaıy aqparatpen qamtamasyz etip otyrdy. Jasyratyny joq, jýrnalısterge qosymsha sanıtarlyq qaýipsizdik sharalary jasalmasa da, tilshiler qaýymy men qanshama tehnıkalyq qyzmetkerler óz kásibine adal eńbek etti. Sol úshin de sizderge, búkil aqparat salasynda qyzmet etetin qaýymǵa shynaıy alǵysymdy bildiremin, – dedi Aıda Balaeva.
