Kýálikterdi tabystaý rásimi elimizdiń ishki ister organdarynyń qalyptasý jáne damý tarıhynan syr shertetin IIM-niń murajaıynda ótti.
IIM basshysy bul sáttiń mańyzdylyǵyn aıtyp, árbir azamat memlekettik Ánurandy, Eltańba men Týdy qurmetteýge tıis ekenin atap ótti.
– Prezıdent Qasym-Jomart Toqaev polısııanyń aldyna naqty mindetter qoıdy. Ol – qoǵamdyq qaýipsizdikti saqtaý jáne qıyn jaǵdaılarda azamattarǵa kómek kórsetý. Polısııa jumysyna halyqtyń ózi baǵa beredi. Sondyqtan men sizderge óz isterińizdiń naǵyz mamany bolyp, árdaıym halyq múddesin joǵary qoıyńdar demekpin. Sizderdiń barlyqtaryńyzǵa amandyq jáne jumysta tabys tileımin!, – dedi mınıstr Erlan Turǵymbaev.
Jas ofıserler arnaıy maqsattaǵy jasaqta, patrýldik jáne ıývenaldyq polısııa bólinisterinde jumys isteıtin bolady. Olar IIM murajaıynda ishki ister organdarynyń tarıhymen tanysyp, óz halqynyń ıgiligi úshin adal qyzmet etýge ant etti.
Jalpy jyl basynan beri ishki ister organdarynyń 1724 qyzmetkerine “polısııa leıtenanty” arnaıy ataǵy berilgen.
