Megapolıs basshysy juma kúni qurylysy júrip jatqan jańa meshitke baryp, istiń aıaq alysyna qanyqty.
«Meshit bir mezgilde jeti myń musylmandy qabyldaı alady. Qaladaǵy eń úlken dinı ǵımarat aǵartý hám rýhanı jer ǵana emes, megapolıstiń arhıtektýralyq marjandary arasynda da laıyqty orynǵa ıe bolady», dep jazady qala ákimi.
Imandylyqtyń kelesi úıi Rysqulov pen Momyshuly kósheleriniń qıylysynda ornalasqan.
Meshittiń aýmaǵy 6,3 gektar jerdi alyp jatyr, al meshit ǵımaraty – 16 myń sharshy metr. Amandyq bolyp, Alla buıyrtsa, meshit 2021 jyldyń aıaǵynda musylmandar ıgiligine berilýi tıis.
ALMATY
