- Polısııa qyzmetkerleri úshin azamattardyń konstıtýsııalyq quqyqtaryn saqtaý mańyzdy. Mıtıngke qatysýshylar tarapynan túrli quqyq buzýshylyqtarǵa jol berilmeýi qajet, is-sharalar zań normalaryna sáıkes júrgizilýi tıis, - dedi N. Ismaǵulov.
Qoǵamdyq tártip buzylmasa jáne azamattardyń tynyshtyǵyna kedergi keltirmese, mıtıngterge jol beriledi. Beıbit jınalysty ótkizý úshin uıymdastyrýshylar jergilikti atqarýshy organǵa ótinish berýi qajet. Mundaı beıbit jınalystar arnaıy oryndarda ótkizilýi tıis.
- Mıtıngke qatysýshylarǵa halyqty Konstıtýsııa men zańdardy buzýǵa shaqyrýǵa, jappaı tártipsizdik pen zorlyq-zombylyqqa úndeýge, alaýyzdyq otyn tutatýǵa, bılikti basyp alýǵa shaqyrýǵa, kóliktiń nemese azamattardyń qozǵalysyna kedergi jasaýǵa, sondaı-aq memlekettik organdardyń jumysyna kedergi keltirýge, kıiz úıler men shatyrlar ornatýǵa bolmaıdy. Mıtıngke qatysýshylarǵa ózimen sýyq qarýǵa jáne alkogoldi ishimdikter alyp júrýge tyıym salynady,- dedi N.Ismaǵulov.
Bas polıseıdiń aıtýynsha, qazirshe oblysta karantın rejimi áli saqtalady. Sondyqtan buqaralyq is-sharalardy, onyń ishinde mıtıngilerdi ótkizýge ruqsat berilmeıdi.
Prezıdent taıaýda ǵana qol qoıǵan jańa zań 6 maýsymnan bastap kúshine enedi.
Qostanaı oblysy
