Álem • 05 Maýsym, 2020

Abaı mereıtoıynyń halyqaralyq tusaýkeseri ótedi - mınıstr

145 ret kórsetildi

Abaı fılosofııasy bizdiń mádenı jáne ulttyq biregeıligimizdiń ajyramas bóligine aınaldy. Bul týraly Mádenıet jáne sport mınıstri Aqtoty Raıymqulova habarlady.

«Memleket basshysy atap ótkendeı, mereıtoıdyń kún tártibi tujyrymdamalyq turǵydan elde jáne shetelde Abaı tulǵasynyń jahandyq aýqymyn keńinen tanymal etýge arnalǵan ıdeologııalyq-mazmundy jáne sapaly is-sharalardy ótkizýge negizdeletin bolady. Bul rette bıylǵy jyly atap ótiletin mańyzdy is-sharalar barysynda ysyrapshyldyq pen naýqanshyldyqqa jol berilmeıtindigine basa nazar aýdarǵym keledi», - dedi mınıstr A. Raıymqulova.

Onyń aıtýynsha, Abaıdyń murajaı-úıinde, Jıdebaıdaǵy «Abaı-Shákárim» memorıaldyq kesheninde ǵylymı-restavrasııalaý jumystary júrgizilýde, Abaıdyń «Jıdebaı-Bórili» mýzeı-qoryǵyn tolyqqandy ǵylymı-zertteý ortalyǵy etip qaıta qurý tujyrymdamasy ázirlendi.

«Jalpy, Shyǵys Qazaqstan oblysyndaǵy 18 obektide jumystar júrgizilýde. Abaı shyǵarmashylyǵyn nasıhattaý maqsatynda elde jáne shetelde onyń eńbekteri álemniń 8 shet tiline aýdarylyp, basylyp shyǵarylady. Pragada Abaıdyń mádenı-aqparattyq ortalyǵy ashyldy, Bratıslava, Býdapesht, Berlın qalalarynda «Abaı oqýlary», kórmeler, dóńgelek ústelder uıymdastyryldy. Nur-Sultan qalasyndaǵy L.N. Gýmılev atyndaǵy Eýrazııa ulttyq ýnıversıtetiniń bazasynda «Abaı akademııasy» ǵylymı-zertteý ınstıtýty quryldy», - dedi mınıstr.

Sondaı-aq mınıstr mereıtoıdyń halyqaralyq tusaýkeseri qashan ótetinin aıtty.

«Mereıtoıdyń negizgi sharalaryn qyrkúıek aıynda Shyǵys Qazaqstan oblysynda ótkizý jospralanyp otyr. Aǵymdaǵy jyldyń qazan aıynda Parıjdegi IýNESKO-nyń Shtab-páterinde Abaı mereıtoıynyń halyqaralyq tusaýkeseri ótedi», - dedi mınıstr.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Uqsas jańalyqtar