Koronavırýs pandemııasyna qatysty eldegi jaǵdaıdy eskere otyryp, aımaqtardaǵy vedomstvolyq baǵynysty uıymdar men aýmaqtyq bólimsheler Zoom platformasy arqyly qosyldy.
Ekologııa mınıstri M. Myrzaǵalıev óziniń quttyqtaý sózinde el halqyn qorshaǵan ortaǵa uqypty qaraýǵa, tabıǵı resýrstardy tıimdi paıdalanýǵa, flora men faýnanyń biregeı túrlerin saqtaýǵa, ekologııalyq jaýapty sanany qalyptastyrýǵa shaqyrdy.
«Ekologtardyń basty mindeti – bizdiń jerimizdi saqtaý, onyń baılyǵy men urpaqtarymyz úshin qaıtalanbastyǵyn eskerý. Qorshaǵan ortaǵa qamqorlyq – bul bizdiń táýelsiz memleketimizdiń kez kelgen turǵynynyń paryzy. Sizderdi Ekologtar jáne búkilálemdik qorshaǵan ortany qorǵaý kúnimen quttyqtaımyn!», – dedi Mınıstr.
Is-shara barysynda qorshaǵan ortany saqtaýǵa, brakonerlikpen kúreske qosqan úlesi úshin Memleket basshysynyń Alǵys hatymen Batys Qazaqstan oblystyq janýarlar jáne ósimdikter dúnıesi aýmaqtyq ınspeksııasynyń bólim basshysy Májenov Serik Saǵyndyquly marapattaldy.
Sonymen qatar, qorshaǵan ortany qorǵaý salasyndaǵy belsendi jáne jemisti jumysy, joǵary kásibı qasıetteri men Qazaqstan Respýblıkasynyń tabıǵı baılyqtaryn saqtaýǵa, qorshaǵan ortany saqtaý men qalpyna keltirýge qosqan jeke úlesi, jańashyldyq pen bastamashylyq, halyq arasynda ekologııalyq qozǵalysty tanymal etý jónindegi jetistikteri úshin «Ekologııa salasynyń úzdigi» tós belgisimen – «Qazaqstannyń ekologııalyq uıymdarynyń qaýymdastyǵy» ZTB Prezıdıýmynyń tóraıymy Álııa Nursultanqyzy Nazarbaeva, Ekologııalyq retteý jáne baqylaý komıtetiniń tóraǵasy Zulfýhar Joldasov, «Qazgıdromet» RMM ekologııa departamentiniń dırektory O. Kornıýhova jáne «Qaraǵandy oblystyq ekologııa murajaıynyń» departamentiniń dırektory D. Kalmykov marapattaldy.
Qoǵamdyq uıymdardyń ókilderi men ekoaktıvıster: A.S. Soloveva, S.T. Rahımbekova, E.N. Abakanov, A. Saharııanova qurmet gramotalarymen jáne alǵys hattarmen marapattaldy.
«Qurmetti áriptester, búgin vedomstvalyq marapattarǵa ár salanyń damýyna, ıaǵnı memleketimizdiń damýyna kúndelikti úles qosyp otyrǵan adamdar ıe bolady. Bizben qatar, bizdiń qurmetti ardagerler, qurmetti demalysqa shyqqannan keıin de el ıgiligi úshin eńbek etip júrgenderi qýantady. Jyl saıyn qorshaǵan ortaǵa uqypty qaraýdyń osyndaı laıyqty mysaldary bizde kóp, al marapat árqashan óz batyrlaryn tabady» - dep túıindedi mınıstr.
