Buǵan deıin qystan mazýtpen shyǵyp kelgen Arqalyqtyń jylý júıesin birtindep kómirge kóshirý maqsatynda bıýdjetten 7,4 mln teńge bólinip, «Arqalyq qalasynyń jylýmen jabdyqtaý júıesin 2030 jylǵa deıin qaıta jańartý» jobasy qolǵa alynǵan. Búginde jańa jylý kóziniń qurylysy bastalyp ta ketti. Bas ǵımarattyń astyńǵy qabaty tóselip, tabanyna betondy-eritindi torap salyndy. Endi 3 bý qazandyǵy jáne sýmen jylytatyn 2 qazandyq ornatylady. Nysandy aralap kórgen oblys ákimi merdigerge qurylys-montaj jumystaryn ýaqtyly aıaqtaýdy qadap tapsyrdy.
Odan keıin A.Muhambetov «Jumyspen qamtýdyń jol kartasy-2020» baǵdarlamasy boıynsha qolǵa alynyp jatqan jobalar jaıymen tanysty. Atalmysh baǵdarlama boıynsha Arqalyq óńirinde jalpy quny 1,1 mlrd teńge bolatyn 10 jobany júzege asyrylyp, nátıjesinde 250 jańa jumys orny ashylmaq.
Oblys ákimi «Jiger» stadıonyna, №2 orta mektep ǵımaraty men Dala ólkesi tarıhy mýzeıine bardy. 1972 jyly ashylǵan atalmysh mýzeıge sońǵy ret 2016 jyly jeńil-jelpi jóndeý júrgizilgen. Bıyl 157,9 mln teńge qarjy bólinip, mádenı nysanǵa tolyqtaı kúrdeli jóndeýden ótpek. Sonyń arqasynda 40 adam jumyspen qamtylyp otyr.
«Jiger» stadıonyna «Alıýmınıı qurylys» JShS-i kúrdeli jóndeý júrgizip jatyr. Jobanyń quny – 58,1 mln teńge. Qazir sport zaly ózgertilip, jańa keıipke enbek. Eńbekpen qamtý ortalyǵy arqyly 8 adam jumys osy jerden jumys taýypty. Seriktestik jumysty shilde aıynda aıaqtaýdy kózdep otyr.
Al orta bilim beretin №2 mektep ǵımaratyna júrgizilip jatqan kúrdeli jóndeýge 365,2 mln teńge bólingen. Merdiger ákimge mektepti jańa oqý jyly bastalǵansha tapsyramyn degen ýádesin berdi.
Jumys saparynyń ekinshi kúni aımaq basshysy taıaýda ǵana jumys isteı bastaǵan «Arqalyq – kómek alańy» front-keńsesine bas suqty. Bul oblysta ashylǵan 20-shy kómek alańy. Halyq únine qulaq asatyn memleket tujyrymdamasynyń júzege asýyn ilgerilete túsetin mundaı keńselerdiń sany jaǵynan Qostanaı oblysy respýblıka boıynsha kósh bastap keledi.
Munda turǵyndar úshin qajet qyzmet túrlerin «bir tereze» arqyly alý múmkindigi bar. «Kómek alańdary» zamanaýı baılanys jáne kommýnıkasııa quraldarymen qamtylǵan. Sondaı-aq, azamattardy «open speıs» formatynda qabyldaıtyn arnaıy bólme de bar. Bul bólmede turǵyndar ózderin tolǵandyrǵan máselelerge qatysty tıisti memlekettik organ ókilderinen tolyqqandy jaýap, ıa keńes alatyn bolady.
Qostanaı oblysy
