Úı ıesi quramynda esirtki zattary bar ósimdikti arnaıy ósirip jatqandyǵy, aýlasynda osy maqsatqa qoldanylatyn jylyjaıdyń jáne sol jylyjaıdaǵy qysh qumyralarda ósip turǵan kóshetterdiń bolýy onyń esirtki zattaryn jasaýmen arnaıy aınalysatyndyǵyn kórsetip tur. «Úı ıesiniń moıyndaýyna qaraǵanda ol jylyjaıdy arnaıy kendirmaı ósirý úshin turǵyzǵan. Sondaı-aq, alynǵan ósimdik tuqymdary da osy faktini rastaıdy», - deıdi SQO PD bastyǵynyń orynbasary Rýslan Nazarov.
Úıdi tintý barysynda myltyq, túrli kalıbrdegi jaýyngerlik jáne travmatıkalyq patrondar, ańshy qarýynyń oqpany men optıkalyq kózdeýish tabyldy. Bul zattar da aıǵaq retinde alyndy. Qazir kúdiktiniń ústinen quramynda esirtki zattary bar, ósirýge tyıym salynǵan kóshetterdi zańsyz egý men ósirý faktisi boıynsha sotqa deıingi tergep-tekserý isi qozǵaldy.
Kúdikti ósimdikti óziniń jeke maqsatyna paıdalaný úshin ǵana ósirgenin, al qarý-jaraqty qaraýsyz qalǵan ǵımarattan taýyp alǵanyn aıtyp ant-sý ishýde. Alaıda jeke maqsatqa qoldaný úshin keptirilmegen salmaǵy 5 kg asatyn kendirmaıdy ósirgenine eshkimniń senbesi anyq. О́ıtkeni bulardan esirtkiniń asa iri kólemin jasaýǵa bolady. Qylmysty isti júrgizý barysynda sot-ballıstıkalyq saraptama taǵaıyndaldy.
PETROPAVL
