Búginnen bastap barlyq resmı derek kózderinde koronavırýs ınfeksııasy boıynsha aýrý belgileri bar jáne klınıkalyq belgileri joq vırýs tasymaldaýshylar boıynsha statıstıka jeke-jeke jarııalanady.
Bul halyqaralyq tájirıbe jáne túrli elderde qoldanylyp keledi. Bulaı bólýdiń sebebi — sımptomatıkalyq emdeýdi qajet etetin naýqastardyń sany boıynsha jaǵdaıdy kórsetý. Sonymen qatar COVID-19 aýrýynyń klınıkalyq belgileri joq adamdar aınalasyndaǵylarǵa eleýli epıdemıologııalyq qaýip tóndiredi.
Búgingi tańda Qazaqstanda testileý kezinde kún saıyn anyqtalyp jatqan jaǵdaılardyń 60%-ǵa jýyǵy — bul ınfeksııany sımptomsyz tasymaldaýshylar ekenin atap ótken jón.
Elimizde koronavırýs ınfeksııasynyń taralýynyń aldyn alý maqsatynda COVID-19 aýrýynyń klınıkalyq belgileri joq tasymaldaýshylardy baqylaý jalǵasa bermek.
