Aımaqtar • 07 Maýsym, 2020

Atyraý: Ákim túlekterge «Abaıdyń qara sózderi» kitabyn syılady

1276 ret kórsetildi

Oblys  ákimi Mahambet Dosmuhambetov mektep bitirgen túlekterdiń bir tobymen kezdesti. Kezdesýge 20-dan astam túlektiń keıbiri Atyraý qalasynda, aýdandar men aýyldardaǵy mektepterde bilim alǵan. Keıbiri kezdesýge onlaın rejımde qosyldy. Túlekterdiń deni –áleýmettik jaǵynan az qamtylǵan, sonymen qatar, kóp balaly otbasynan shyqqan, jetim nemese jartylaı jetim  túlekter. Barlyǵy da ár salada jetistikke jetip, oblystyq, respýblıkalyq, sondaı-aq, halyqaralyq olımpıadalar men túrli baıqaýlarda júldeli orynnan kóringen jas daryndar.

Ákim túlekterdiń arman-maqsatyn, usynys-pikirlerin tyńdap, mamandyq tańdaý men joǵary bilim alýdyń mańyzy týraly  aqyl-keńesin berdi. Al, túlekter aldaǵy UBT-ǵa daıyndyq,  tańdaǵan mamandyqtaryna,  qoǵamdy tolǵandyratyn máselelerge baılanysty oılarymen bólisti.

Daryndy túlektiń biri –Á.Jangeldın atyndaǵy orta mektebiniń túlegi Eldar Qurmashevmobıldi qosymsha jasap, «Jas óner tapqysh» atanǵan edi. Endi ol taǵdaǵan mamandyǵyn  aqparattyq tehnologııamen baılanystyrǵaly otyr.

77

–Qazir álemde IT salasy qarqyndy damýda. Birde-bir salany osy tehnologııasyz  elestetý múmkin emes. Jahandyq pandemııa sıfrlandyrýdyń mańyzyn taǵy da dáleldep berdi. Elimizde atalǵan salaǵa aıryqsha kóńil bólinip otyr. Sondyqtan, qazirden bastap jańa tehnologııany meńgerýdiń mańyzyn eskerý kerek. Búgin mobıldi qosymsha jasasań, erteń IT salasynda adamzattyń ıgiligine aınalatyn jahandyq deńgeıdegi jańalyq asharyńa senemin. Armanyńa jet, Eldar, -degen oblys ákimi Mahambet Dosmuhambetov túlekterge aq jol tiledi.

777

Kezdesý sońynda Amangeldi atyndaǵy orta mektebiniń túlegi Aıbek Kárimov Abaıdyń «Kózimniń qarasy» ánin shyrqady. Oblys ákimi Mahambet Dosmuhambetov túlekterge  «Abaıdyń qara sózderi» kitabyn syıǵa tartty.

Sońǵy jańalyqtar

Uqsas jańalyqtar