Sýretti túsirgen Mýhtar HOLDORBEKOV
Otandyq týrızmdi damytýdyń tyń tetikteri men basym baǵyttary talqylanǵan jıynǵa Almaty qalalyq Týrızm basqarmasynyń mamandary men týrıstik uıymdardyń ókilderi jáne joǵary oqý oryndarynyń professor-oqytýshylary qatysyp, ózara pikir almasty.
Jıynda jergilikti týrızm mamandaryn daıarlaýdaǵy Qyzdar ýnıversıtetiniń róli men búginde osy tarapta atqarylyp jatqan jumystar týrasynda da atalyp ótti.
Sonymen qatar basqosý barysynda Almaty qalalyq Týrızm basqarmasy basshysynyń orynbasary Qalıbek Aqylbekov «Almaty qalasy men aglomerasııasynda týrızmdi damytý qadamdary», L.N.Gýmılev atyndaǵy Eýrazııa ulttyq ýnıversıtetiniń Fızıkalyq jáne ekonomıkalyq geografııa kafedrasynyń professory Ordenbek Mázbaev «Turaqty damý jáne týrızmniń máseleleri», Qazaq ulttyq qyzdar pedagogıkalyq ýnıversıtetiniń Bıologııa kafedrasynyń aǵa oqytýshysy Dámejan Sadyqova «Qazaqstandaǵy ekotýrızmdi damytý múmkindikteri», Geografııa jáne týrızm kafedrasynyń aǵa oqytýshysy Aıjan Satybaldıev «Elimizde eko jáne etno týrızmdi damytýdyń mańyzy», M.H.Dýlatı atyndaǵy Taraz memlekettik ýnıversıtetiniń Ekologııa kafedrasynyń aǵa oqytýshysy Erjan Ábikbaev «Áýlıeata óńiriniń kıeli jerleri jáne onyń aımaqtyq týrızmdi damytýdaǵy róli», «Kompas» týrıstik kompanııasynyń menedjeri Toǵjan Amanqulqyzy «Ekotýrızmdi damytýdyń artyqshylyǵy men kemshilikteri» taqyryptarynda baıandama jasap, paıymdy oılarymen bólisti.
– Tabıǵatty saqtaı otyryp, týrızmdi damytý – el ekonomıkasyn turaqty tabysqa jeteleıdi. Ol úshin Qazaqstanda alǵysharttar jeterlik jáne múmkindikter mol. Týrızm salasyn damytýymyz, osy resýrstardy qalaı utymdy paıdalanatyndyǵymyzben tyǵyz baılanysty bolmaq, – deıdi semınarǵa qatysýshylar.
ALMATY
