Qoǵam • 08 Maýsym, 2020

Mınıstr "Dıplommen aýylǵa" baratyndarǵa qandaı jaǵdaı jasalynǵanyn aıtty

955 ret kórsetildi

"Dıplommen aýylǵa" jobasy aıasynda jastarǵa baspanaǵa bıýdjettik nesıe túrinde memlekettik qoldaý kórsetiledi. Bul týraly Ulttyq ekonomıka mınıstri Rýslan Dálenov halyqqa esep berýi kezdesýinde aıtty, - dep habarlaıdy Egemen.kz tilshisi.

"Jastardy aýylǵa tartý boıynsha "Dıplommen aýylǵa" jobasy iske asyrylýda. Byltyr 4 myńnan astam maman 1 200 aýylda jumysyn bastady. Bul turǵyda muǵalimder, dárigerler, mádenıet jáne sport qyzmetkerleri, sondaı-aq veterınarlar men agronomdar qamtyldy. Olar úshin baspanaǵa bıýdjettik nesıe túrinde memlekettik qoldaý kórsetiledi. Onyń joǵary somasy jyl saıyn artyp keledi. Búginde onyń kólemi 4,1 mln teńgeni qurady. Nesıeleý stavkasy 15 jylǵa 0,01 paıyzdy qurady. Sonymen qatar joba aıasynda kóshetinderge arnaıy aqy qarastyrylǵanyn eske salǵym keledi", - dedi mınıstr.

Rýslan Dálenov sondaı-aq bıyl baspanaǵa bıýdjettik nesıe túrinde áleýmettik qoldaý sharalarymen taǵy da 5 myń jas maman qamtylatynyn jetkizdi.

"Memleket basshysynyń tapsyrmasy boıynsha "Jastar jyly" aıasynda qarjylandyrý kólemi tórtten bir bólikke artyp, bıyl onyń somasy 20 mlrd teńgege jetti", - dedi ol.

Sońǵy jańalyqtar

Uqsas jańalyqtar