Sáýle Jırenshına arnaýly brıfıng-chatta BAQ ókilderiniń suraqtaryna jaýap bere otyryp: «Biz profılaktıkalyq tekserý júrgizdik, nátıjesinde eshqandaı indet belgisi bolmaǵanymen, vırýs juqtyrǵandardyń bar ekendigi anyqtaldy. Birden SES-ke habar berildi, olar naýqas dep tabylǵandardy oqshaýlady. Keıbireýleri 3-4 kún aýrýhanaǵa jatyp shyqty, olardy KT-ǵa túsiripti, ókpeleri taza ekendigi anyqtalǵan. Jalpy alǵanda kóbi úılerinde, eshqandaı aýrý da, temperatýra joq deıdi. Karantındegilermen ortaq chatymyz bar. Tek bir operatorymyzdyń ystyǵy bir túsip, bir kóterilip tur. Ol aýrýhanada jatyr», dedi.
Sáýle Jánibekqyzy onyń aldynda aıtylyp júrgendegideı eshqandaı qaıǵyly oqıǵa oryn almaǵandyǵyn, kisi ólimi bolmaǵandyǵyn málimdeı kele: «Profılaktıkalyq testileýdiń nátıjesinde 24 adamda koronavırýstyq ınfeksııa bar ekeni anyqtaldy. Olardyń ishinde jýrnalıster, operatorlar, júrgizýshiler men basqa da tehnıkalyq qyzmetkerler bar. Olarmen baılanysta bolǵandar birden oqshaýlanyp, test nátıjesi teris nátıje bergenimen karantınge jiberildi», dedi.
Almaty fılıalynyń dırektory telearna ǵımaraty karantınge jabylǵandyǵyn rastady.
Almaty
