"Búginde karantındi kúsheıtý sharalary negizinen ár óńirdegi epıdemıologııalyq jaǵdaıǵa baılanysty. Shynymen de, Nur-Sultan qalasynda zerthanalyq túrde koronavırýs rastalǵan adamdar sany ósti. Muny elordada koronavırýs ınfeksııasynyń PTR dıagnostıkasyna zertteý júrgizetin 7 zerthana qyzmet etip jatqanymen túsindirýge bolady", - dedi S. Qısyqova.
Basqarma basshysynyń aıtýynsha, karantın sharalaryn kúsheıtý týraly sheshimdi Bas memlekettik sanıtar dárigeri qabyldaıdy.
"Kún saıyn 4-ten 5 myńǵa deıin testileý júrgiziledi. Sáıkesinshe, test júrgizý artsa, onda indet juqtyrǵandardy anyqtaý da kóbeıetini túsinikti. Atap ótsek, osy ınfeksııa tabylǵan adamdardyń ishinde 60-70 paıyzynda sımptomsyz dárejede bolady. Sondyqtan epıdemıologııalyq jaǵdaıdy eskere otyryp, karantın sharalaryn kúsheıtý týraly sheshimdi Bas memlekettik sanıtar dárigeri qabyldaıdy", - dedi basqarma basshysy.
