Aımaqtar • 09 Maýsym, 2020

Túrkistanda jylyna 3 mıllıonǵa jýyq jolaýshyǵa qyzmet kórsetetin áýejaı salynyp jatyr

430 ret

kórsetildi

1 mın

oqý úshin

Túrkistan qalasynan 16 shaqyrym qashyqtyqta halyqaralyq standartqa saı jáne zamanaýı qurylys tehnologııasymen áýejaı boı kóterýde. YDA Group túrik kompanııasy salyp jatqan Túrkistan halyqaralyq áýejaıy jyl sońyna deıin paıdalanýǵa beriledi. Qazirgi tańda qurylys alańynda ınvestordyń 102 arnaıy tehnıkasy men 300-den asa qurylysshysy eńbek etýde, - dep habarlaıdy Egemen.kz.

Ǵalymjan ELShIBAI

Túrkistanda jylyna 3 mıllıonǵa jýyq jolaýshyǵa qyzmet kórsetetin áýejaı salynyp jatyr

Oblys ákimi О́mirzaq Shókeev halyqaralyq áýejaıdyń jáne onda baratyn avtomobıl jolynyń qurylysyn tekserdi. Týrızm áleýetin arttyrý úshin oblysta arnaıy baǵdarlama ázirlenip, 2025 jylǵa deıin týrıst sanyn 5 mıllıonǵa jetkizý kózdelip otyr. Osy maqsatta halyqaralyq áýejaıdan eki kúnde bir ret Túrkistannan Mekkege tikeleı ushaq ashý kózdelgen. Bul jaıynda byltyr jeltoqsanda ótken Túrkistan oblysynyń Máskeýdegi kúnderi barysynda aıtylǵan bolatyn.

Aýmaǵy 900 gektar bolatyn áýejaıda termınal, ushý-qoný jolaǵy jáne basqa da nysandar salynady. Áýejaı termınaly jylyna 3 mıllıonǵa jýyq jolaýshyǵa qyzmet kórsete alady. Al áýejaıǵa barar avtomobıl jolynyń jalpy uzyndyǵy – 16,3 shaqyrym.