Qoǵam • 10 Maýsym, 2020

Qyryq segiz adamdy qyzyl jalynnan qutqarǵan

1250 ret kórsetildi

«...Alańsyz uıyqtap jat­qanymda oryndyǵymnyń asty jyp-jyly bolyp ketti. Kózimdi ashsam, astymda ot janyp jatyr. Birden júrgizýshige júgirip baryp, avtobýsta órt shyqqanyn ha­barlap, kólikti toqtatýyn su­radym. Biraq ol meniń sózime sen­beı qoıdy. Al ekinshi júrgi­zýshi shyrt uıqyda. Kóp kidirýge bol­maıtyndyqtan ony oıatýǵa týra keldi. Osydan keıin ǵana ol avtobýsty toqtatty. Al qaı­tadan ornyma kelsem, qyzyl ja­lyn birshama jerdi sharpyp úlgeripti. «Janyp jatyrmyz» dep aıqaılasam adamdar ún qatpaıdy. Sóıtsem avtobýstyń artqy bóliginde otyrǵandardyń kóbi kók tútinge ýlanyp úlgergen eken. Al keıbiri ne bolǵanyn túsinbeı, ańyryp qarap otyr. Tipti júrgizýshi avtobýstyń esi­gin de ashpady. Sodan keıin eki esik­ti tepkilep, ıterip jartylaı­ ashtym. Aldymen balalardy da­laǵa shyǵardym. Kóterip alyp, biri­nen keıin birin laqtyra ber­dim. О́ıtkeni órt kúsheıip barady. Al júrgizýshi órt sóndirý qu­ralymen tilsiz jaýdy sóndirip jat­ty. Biraq qyzyl jalyn des berer emes...».

2018 jyldyń tamyz aıynyń 4-inde «Semeı – Novosibir» ba­ǵytyndaǵy avtobýspen jolǵa shy­ǵyp, túngi saǵat 4 shamasynda kólikte tutanǵan tilsiz jaýmen arpalysyp, nebári 1 mınýt 45 sekýndta 48 adamdy qutqarǵan semeılik Erjan Omarhanov oqys oqı­ǵany osylaı eske alady.

Bir qorqynyshtysy, avtobýs nebári 4 mınýttyń ishinde j­anyp ketken kórinedi. Al Er­jan Omarhanov qutqarǵan 48 jo­laýshynyń 12-si bala eken. Av­tobýs ishinde 3 aılyq sábıden egde tartqan zeınetkerge deıingi sanattaǵy adamdar bolypty.

Keıipkerimiz Reseıge kólik sa­typ alý maqsatynda jolǵa shyq­qan eken.  Alaıda «baıtal túgil bas qaıǵy» degendeı, avtobýstaǵy órt kezinde adamdardy syrtqa shyǵaryp, jan alysyp, jan be­risip júrgende qujattary men 1 mıllıon, 400 myń teńge kóle­mindegi aqshasynan aıyrylady.

Avtobýs Semeıdegi «Sulý» avto­beketinen shyǵypty. Keıin Erjan avtobekettiń basshy­ly­ǵyna habarlasyp, adamdardyń ómi­rine nemquraıly qaraýǵa bol­maıtynyn aıtqan. Biraq avto­bekettegiler avtobýstyń Re­seı eline tıesili ekenin, bar­lyq aryz-shaǵymdy solarǵa aı­tý ke­rek ekenin jetkizipti. «Qoǵam­dyq kólik Semeıge kelgen soń tehnıkalyq tekserý júrgizilýi kerek. Men osyny aıtqanda avtobeket basshysy telefon tutqasyn qoıa saldy. Sodan beri jaýaptan qashyp júr. Keıin maǵan más­keýlik zańger avtobýs jolǵa shyq­­pas buryn Qazaqstanda tek­se­rilýi kerek ekenin aıtty. Bir­neshe kún ótken soń janyp ket­ken aqshamdy óndirip alý úshin avtobýs ıesin izdedim. Ony dos­tarymnyń kómegimen taptym. Biraq ol maǵan tek 150 myń rýbl ǵana qaıtardy» deıdi beıbit kún­niń batyry.

Osy oqıǵadan keıin Erjannyń erligine súıingen halyq ony tó­be­sine kóterip, alǵystaryn aı­typ, rızashylyqtaryn bildi­re­di. Semeılik jerlesteri aty­­­nan jergilikti kásipker, «Gor­dor­stroı» JShS dırekto­ry Baýyr­jan Qaırambaev 1 mıllıon teńge ta­bystaıdy. Jaqynda kóp jyldan beri páter jaldap turatyn keıipkerimizge «Lankaster» atty almatylyq kompanııanyń basshylary Semeı qalasynan úı alyp bergenin estidik.

Erjan Omarhanov – 4 balanyń ákesi. Negizinen kásipkerlikpen shuǵyl­dansa da, bir tıyn almas­tan grek-rım kúresinen jat­tyqtyrýshy retinde shákirt tár­bıe­lep, jarystarǵa aparady. «Semeıdiń irgesinde Bobrovka degen saıajaıly aýyl bar. Tur­ǵyndary jan-jaqtaǵy aýyldar­dan kelgen. Osy aýyldaǵy mek­teptiń sport zalynda 2013 jyldan beri balalardy kúreske baý­lyp júrmiz. О́zim osy kúres túri­men 12 jasymnan bastap aınalysqanmyn. Bizde 107 bala bar. Men Álı Sovethanov degen bapkermen birlese jumys isteımin. Arnaıy sporttyq bi­limim joq. 1990 jyldary bilim alý­ǵa múmkindik bolmady. Negizgi ju­mysym – Reseı men Qazaqstan arasynda kólik ákep satý» deıdi Erjan. 

Qýanyshtysy sol, qaısar j­i­git 2019 jyly «Qazaqstannyń 100 jańa esimi» jobasynyń úshin­­­shi kezeńinde jeńimpaz atan­dy.­

Sol kezde tilsiz jaýdyń qu­ry­ǵynan aman shyqqan jolaýshylar áli kúnge deıin Erjanǵa habarlasyp, jaǵdaıyn bilip turady eken. Aıtpaqshy, beıbit kúnniń batyryn byltyr Reseıdiń tanymal telejýrnalısi Andreı Malahov óz baǵdarlamasyna qo­­naq­qa shaqyrǵany da bel­gili. Bi­raq keıipkerimiz bul usy­nys­tan bas tartypty. «Reseı til­shileriniń arasynda sol kúni «Jolaýshylardy basqa adam qutqardy» dep aqparat tarat­qandary da kezdesti. Maǵan esh­qandaı da ataqtyń qajeti joq. Esh­ýaqytta bireýge habarlasyp: «olardy men qutqardym» dep jar salǵan emespin. Bárine bir Al­la kýá ǵoı. О́tirik aqparat tarat­qandardy óz uıattaryna qal­dyrdym» deıdi ol.

Kórshi elge jıi qatynap tu­ratyn ony reseılikterdiń kóbi jaqsy biledi eken. Barǵan jerinde tanyp, kelip, rızashylyqtaryn bildirip, sýretke túsetin kórinedi. Aıtpaqshy, daǵystandyq saıasattanýshy, jýrnalıst Rýslan Kýrbanov óziniń ınstagrammdaǵy paraqshasynda: «Eger bul jerde reseılik bolǵanda baıaǵyda-aq ha­lyq qaharmany qylar edik. Al shaǵyn ǵana shahardan shyqqan bul qazaq eshqaıda baryp, erligin buldap júrgen joq. Onyń eńbe­gin eskermedik. Umyttyq» dep jazypty.

Desek te, Erjan Omarhanov­tyń erligin týǵan halqy bile­di. Sol úshin de qurmettep, qadirleı­di.

 

SEMEI

 

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar