Atap aıtqanda, Pedagogıka-psıhologııa fakýltetiniń 9, Qazaq fılologııasy jáne álem tilderi fakýltetiniń 9, Fızıka-matematıka fakýltetiniń 6, О́ner jáne mádenıet fakýltetiniń 9, Áleýmettik-gýmanıtarlyq fakýltetiniń 1 jáne Jaratylystaný fakýltetiniń 6 stýdenti maýsym-shilde aılarynda jumys atqarmaq. Bilimgerler ýnıversıtet tarapynan jataqhanamen qamtamasyz etilip, eńbekaqy alady.
– Basty maqsatymyz – arý qala Almatyny abattandyrý jumystaryna óz úlesimizdi qosý. Atalǵan baǵdarlama aıasynda eńbektenetin stýdentter búgingi kúnde kóshelerdi, aryq boılaryn tazalap qana qoımaı, fýtbol alańdaryn retke keltirip, qýraǵan aǵashtardy kesip, tasjol jıekterin ákteý sııaqty ıgilikti ister atqarmaq. "Taza bolsa mańymyz, saý bolady tánimiz" degendeı "Jasyl el" jasaqshylary qorshaǵan ortanyń kórkeıýine, qoǵamdyq oryndardyń taza turýyna óz septigin tıgizetin bolady, – deıdi Qyzdar ýnıversıtetiniń "Jasyl el" jastar eńbek jasaǵynyń músheleri.
"Eńbek etseń erinbeı, toıady qarnyń tilenbeı" degen fılosofııany óskeleń urpaqqa uǵyndyryp, jazǵy demalystaryn bosqa ótkizbeı, jumys istep, qosymsha qarjy tabýǵa molynan múmkindik týdyrdy. Jyldan jylǵa jalpyulttyq bastamaǵa ún qatyp, qoldaý bildirýshi stýdentterdiń, jalpy jastardyń qatary artyp keledi.
– Jastar – ult keleshegi, qoǵam aınasy. Olarǵa qarap bolashaqtaǵy qoǵamnyń qandaı bolatynyn boljaımyz. Sondyqtan da óskeleń urpaqtyń qyzyǵýshylyǵyn qoǵam ıgiligine qaraı burý durys dúnıe. Jalpy, qandaı elde bolsyn azamattarynyń, jastarynyń el isine aralasýy jaqsy qubylys. Búginde elimizde jastar saıasaty júzege asyrylýda. Bul oraıda kóptegen ıgi bastamalar óz jemisin berip keledi. Osy saıasatty iske asyrýdyń negizgi mindetteriniń biri – jastardy eljandylyqqa tárbıeleý, ishki saıası turaqtylyqty nyǵaıtý. Atalǵan mindetterdi iske asyrý maqsatynda respýblıka boıynsha jastardy patrıottyq tárbıeleý is-sharalary da ázirlengen. Solardyń biri – "Jasyl el" baǵdarlamasy, – dep atap ótti oqý ornyndaǵy baspasóz qyzmetiniń jetekshisi Jandar Asan.
Almaty
