Qala ákimi B. Saǵyntaev Instagram-daǵy óziniń paraqshasynda bıýdjetiniń 40%-ǵa jýyǵy saýda esebinen qalyptasatyn megapolıstiń budan da qarqyndy damýy úshin ekonomıkanyń osy sektoryn kóleńkeden shyǵarý qajet ekenin jazdy.
"Ol úshin ne isteý kerek? Sýpermarket, onlaın-saýda men úıdiń qasyndaǵy dúkenderge qolaıly jaǵdaı jasap, qoldaý kórsetilýi tıis", - dep habarlady B. Saǵyntaev.
Ol jergilikti franchaızıngti tarta otyryp, "Úıdegi dúken" sekildi tıptik jobalardyń iske asýyna qajetti qoldaý kórsetiletinin atap ótti. Mysaly úlgi retinde álemdik 7-Eleven modeli boıynsha qurylǵan Froot jelisin aıtýǵa bolady.
"Saýda jobasynyń basty nátıjesi sol, tamaq ónimderi sapaly, avtomattandyrylyp, oqshaýlandyrylǵan. Munda bıznestiń ashyqtyǵy, salyqtyń túsimi durys jolǵa qoıylyp, resmı jumys oryndary da qurylǵan", - dep atap ótti Almaty ákimi.
Aıta keterligi, jańa úlgidegi Froot dúkender jelisindegi azyq-túlikterdiń baǵasy úıdiń qasyndaǵy dúkenderden 10-15%-ǵa tómen. Munda barlyq is-qımyldy, taýar assortımentinen bastap onyń sanyna deıingi úrdisterdi, kassa men býhgalterııany zııatkerlik júıe basqarady. Mundaı dúkenderdiń jumysy barynsha ashyq ári bıýdjetke salyqtar men túrli tólemder der kezinde túsedi, qyzmetkerler turaqty ári laıyqty jalaqy alady.
