"Kezdesý barysynda turǵyn úı, medısınalyq kómek jáne qosymsha bilim alý, jumysqa ornalasý, balalardy ońaltý úshin jaǵdaı jasaý máseleleri kóterildi", – dep jazdy Altaı Kólginov óziniń Instagram paraqshasynda.
Onyń aıtýynsha atalǵan baǵyttar boıynsha júıeli jumys júrgizilýde. "Ońaltý ortalyqtarynyń jelisin keńeıtemiz, ıppodrom bazasynda ıppoterapııamen aınalysýǵa arnalǵan jabyq manejdiń qurylysy bastaldy. Sonymen birge jańa turǵyn úı keshenderiniń birinshi qabatynda áleýmettik nysandar ashylady. Invataksı sany eki ese artty. Medısınalyq kómek alýǵa, jumysqa ornalasýǵa jáne qosymsha bilim alýǵa kómektesemiz. Kezdesýde aıtylǵan máseleler jumysqa alyndy", – dedi Altaı Kólginov.
