Qala ákimi Murat Áıtenovtiń tóraǵalyǵymen "Shymkent qalasynyń damý baǵdarlamasy" aıasynda Jobalyq Keńseniń alǵashqy otyrysy ótti. Jıynnyń kún tártibinde jobalyq rólderdi jáne basshylardyń jeke jaýapkershiligi men jobalyq keńseniń 2020 jylǵa arnalǵan jumys josparyn bekitý, Qazaqstan Úkimetiniń ekonomıkalyq ósýdi osy jyldyń sońyna deıin qalpyna keltirýdiń keshendi josparyn Shymkent qalasynda júzege asyrý syndy 3 másele qaraldy.
Qala basshysy atalǵan jobany tıimdi júzege asyrý úshin arnaıy ındıkatorlyq júıege qosylýǵa tapsyrma berdi. Ol aýdan, basqarma basshylary men ákim orynbasarlarynyń jumysyn onlaın túrde baqylap otyrýǵa múmkindik beredi.
– Osy ındıkator arqyly bizdiń istegen jumysymyzdyń nátıjesi onlaın túrde kórinedi. Ásirese pandemııa kezinde óte tıimdi. Atalǵan joba alǵash bolyp Shymkentte qolǵa alynyp jatyr. Sondyqtan osy jumysty shyn kóńilmen, birigip jasaýǵa shaqyramyn, - dedi M.Áıtenov.
Aıta keteıik, Jobalyq keńseniń negizgi mindeti qala deńgeıindegi problemalyq máselelerdi sheshýge járdemdesý.
