О́ńir basshysy ǵumyry ǵıbrat, isi úlgi ardagerdiń joly jastar úshin ónegege toly ekendigin aıtyp ótti.
"Syr eli ózińiz sekildi parasatty, ulaǵatty azamattarǵa baı. Aımaǵymyzdyń temir jol salasynyn damytýǵa zor úles qostyńyz. Osy salanyń ǵylymı – tehnıkalyq jumysyna da belsene qatystyńyz. Kóptegen tájirıbeli shákirtter tárbıelep shyǵarǵanyńyzǵa alǵys bildiremiz. Karantındik shekteýlerge baılanysty úlken sharalar ótkizýge múmkindik bolmaı otyr. Mereıtoıyńyz qutty bolsyn. Sizdiń eńbek jolyńyz jastar úshin árqashan ónege", - dedi oblys ákimi.
Jıynda aımaq basshysy mereıtoı ıesine oblystyń Qurmet gramotasyn tabystap, shapan japty. Orazbaı Ábishuly 1930 jyly 10 maýsymda Qyzylorda oblysy, Syrdarııa aýdany, Birqazan aýyldyq okrýginde dúnıege kelgen.
1949-1951 jyldary Qyzylorda temirjol ýchılıshesinde oqyp, eńbek jolyn 1951 jyly parovoz jóndeý deposynda slesar qyzmetinen bastaǵan.
Saladaǵy jarty ǵasyrlyq eńbeginde óndiriske birtalaı rasıonalızatorlyq usynys engizgen Orazbaı Ábishevtiń esimi búkil Odaq temirjolyna tarady. Jalpy osy salada 500-ge jýyq adam Sosıalıstik Eńbek Eri ataǵyn alypty. Onyń arasynda qandastarymyzdyń qatary az árıne. Sol azdyń biri osy Orazbaı Ábishuly. 1981 jyly KSRO Joǵarǵy Keńes Prezıdıýmy Jarlyǵymen Sosıalıstik Eńbek Eri ataǵyna ıe bolǵan.
Búginde Orazbaı Ábishuly Qyzylorda qalasynyń qurmetti azamaty, "Qazaqstan temir joly" UK" AQ konsýltatıvtik keńesiniń múshesi.
