Kireberister men aýlalar boıynsha 10 maýsymǵa josparlanǵan 7442 kireberis (2703 úıde) jáne 1440 aýla aýmaǵy 100% zalalsyzdandyryldy.
Dezınfeksııa jumystaryna 423 adam, ıaǵnı 60 brıgada jumyldyryldy. Jumysqa 75,4 myń lıtr daıyn eritindi qoldanyldy. Osylaısha megapolıste zalalsyzdandyrýdyń 22 kezeńi aıaqtaldy.
11 maýsymda 23 kezeń bastaldy. Jospar boıynsha búgin 2860 úıdiń 7977 kireberisi men 1318 aýla óńdeledi. Jumysqa 441 adamy bar 64 brıgada tartyldy.
Kósheler men trotýarlardy jýý jáne dezınfeksııalaýǵa kelsek, 10 maýsym kúni 4 436 myń sharshy metr kóshe, onyń ishinde 642 saýda nysany, 35 medısına mekemesi men 2 qyzmet kórsetý ornynyń (Alataý aýdany – 48, Almaly aýdany – 99, Áýezov aýdany – 46, Bostandyq aýdany – 25, Jetisý aýdany – 85, Medeý aýdany – 81, Naýryzbaı aýdany – 16, Týrksib aýdany - 279) kireberisteri, kirmeleri, irgeles jatqan aýmaqtary, 629 myń sharshy metr trotýarlar jáne 1237 basqa da nysandar, 207 konteınerlik alań men 1035 konteıner óńdeldi. Atalǵan jumysqa barlyǵy 85 dezınfektor tartyldy.
Osy maqsatta 136 birlik arnaıy tehnıka, 1180 jol jumysshysy (onyń ishinde 134 dezınfektor), 480 myń lıtr eritindi paıdalanyldy (jumys bastalǵannan beri barlyǵy – 29 798 myń lıtr eritindi qoldanyldy).
Sonymen qatar, 891 konteıner alańyna deratızasııalaý jumystary júrgizildi. Jumys kestege sáıkes jalǵasýda. 8 brıgada, 40 deratızator jumyldyryldy.
Bir táýlik ishinde shyǵarylǵan qoqys kólemi 1130 tonnany qurady.
11 maýsym kúni atqarylatyn josparly jumystar legi tómendegideı:
– 137 birlik arnaıy tehnıka (onyń ishinde 75 birlik dezınfeksııaǵa);
– 1191 jol jumysshysy (onyń ishinde 136 dezınfektor).
Konteıner alańdaryn óńdeýge 12 brıgada, 85 dezınfektor, 8 brıgada jáne 40 deratızator jumyldyryldy.
Almaty
