1992 jyly týǵan pasıent kardıologtyń esebinde turmaǵan, aýyratyndyǵy týraly da bilmegen. О́z dertin alǵash ret 2020 jylǵy mamyrda júktilik kezinde ehokardıografııa jasalyp, sol jaq júreksheden sol jaq qarynshaǵa aýysqan "alyp" mıksoma anyqtalǵanda ǵana bilgen.
Kardıologııa jáne ishki aýrýlar ǴZI Jasandy qanaınalym zerthanasy jáne operasııa blogy bar kardıohırýrgııa bólimshesiniń meńgerýshisi Rústem Tóleýtaev konsýltasııa bergende ómirlik kórsetkishteri boıynsha kesar tiligin jasaý arqyly merziminen buryn jedel bosandyryp, ári qaraı operatıvtik emdeý usynyldy. Bosanǵannan keıin pasıent Kardıologııa jáne ishki aýrýlar ınstıtýtyna jedel emdeýge jiberildi.
KIA ǴZI Basqarma tóraıymy Roza Qýanyshbekova men quramyna klınıkanyń jetekshi mamandary kiretin "HEART Team" komandasy ómirlik kórsetkishteri boıynsha sol jaq júrekshe mıksomasyn alyp tastaý maqsatynda operatıvtik emdeýdi jasaýdy usyndy.
Mıtraldyq qaqpaqsha men ókpe tamyrlarynyń alyp mıksomamen, embologendik asqynýlarmen bitelý qaýpinen basqa, tromboembolııa jáne kesar tiliginen keıingi qan ketý qaýpi bolǵan. Úlken kólemdegi (6,5h6,0sm) mıksomanyń ádetten tys ornalasýy ota barysyn kúrdelendirip jiberdi, alaıda kardıohırýrgııalyq operasııa jasaý brıgadasynyń sheberligimen tájirıbesi arqasynda operasııa sátti aıaqtaldy.
Búgingi tańda pasıenttiń jaı-kúıi turaqty, ony stasıonardan shyǵarý josparlanyp otyr.
Júrektiń barlyq alǵashqy (júrek tinderinen týyndaıtyn) isikteriniń jartysy mıksomalarǵa jatady. Barlyq mıksomalardyń tórtten úsh bóligi ókpeden ottegimen qanyqqan qandy qabyldaıtyn júrek kamerasynda, sol jaq júrekshede órshıdi. Mıksomalar negizinen 40 jastan 60 jasqa deıingi áıelderde damıdy. Mıksomanyń keıbir sırek kezdesetin túrleri otbasylyq sıpatta bolady.
Bul aýrý pasıenttiń ómirine qaýip tóndiredi, sebebi mıksomanyń kishkene kesegi nemese onyń betinde jınalatyn uıyndy qan bólinip ketip (embolııa), qan aǵymymen basqa aǵzalarǵa jyljyp, sol jerde ornalasqan arterııalardy biteýi múmkin.
