Qazaqstan • 11 Maýsym, 2020

Vedomstvoaralyq komıssııa sanıtarlyq rejımdi kúsheıtý máselelerin qarady

17 ret kórsetildi

Premer-Mınıstrdiń orynbasary E. Toǵjanovtyń tóraǵalyǵymen ótken Koronavırýs ınfeksııasynyń taralýyna jol bermeý jónindegi vedomstvoaralyq komıssııanyń kezekti otyrysynda elimizdegi qazirgi epıdemıologııalyq ahýal, halyqty jeke qorǵaný quraldarymen qamtamasyz etý, halyqaralyq áýe qatynastyryn kezeń-kezeńmen ashý jáne basqa da ózekti máseleler qaraldy, - dep habarlaıdy Egemen.kz

Densaýlyq saqtaý vıse-mınıstri L. Bıýrabekova óz baıandamasynda halyq arasynda sanıtarlyq tártiptiń saqtalmaýynyń kesirinen elimizde koronavırýspen aýyrǵandar sany kóbeıip kele jatqanyn atap ótti.

"Aýrý adammen baılanysta bolǵandardyń arasynda vırýsty juqtyrǵandar sany artty, onyń ishinde bir otbasy músheleri arasynda syrqattaný jaǵdaıy kóp tirkelýde. О́tken eki aptada koronavırýsty juqtyrǵandardyń jartysyna jýyǵy ujymdarǵa qatysty bolyp otyr", — dedi.

Osyǵan oraı, Premer-Mınıstrdiń orynbasary aýyrǵan adamdar sany artyp otyrǵan óńirlerdiń ákimdikterine karantın sharalaryn kúsheıtý máselelerin qarastyrýdy tapsyrdy.

О́ńir ákimdikteri sanıtarlyq-epıdemıologııalyq talaptardyń saqtalýyn baqylaıtyn monıtorıng toptarynyń jumysyn kúsheıtýdi, talaptardy oryndamaǵan obektilerdiń qyzmetin anyqtalǵan kemshilikterdi ornyna keltirgenshe ýaqytsha toqtatý boıynsha naqty sharalar qabyldaýdy qolǵa alýy qajet.

Memlekettik organ basshylaryna ujymnyń 80%-yn qashyqtan jumys isteý tártibine aýystyrý usynyldy.

Keńes qorytyndysy boıynsha Premer-Mınıstrdiń orynbasary E. Toǵjanov birneshe naqty tapsyrmalar berdi.

Sońǵy jańalyqtar

Uqsas jańalyqtar