"Baǵdarlamanyń turǵyndar úshin tıimdi tusy - úı ıeleri jóndeý jumystaryn júrgizetin merdiger mekemeni ózderi tańdaıdy. Iаǵnı baǵdarlamanyń talaptaryna sáıkes eń aldymen turǵyndardyń keminde 70%-y kelisýi qajet.Tańdaǵan mekeme jumysyn turǵyndar arasynan saılanǵan belsendi top tolyq baqylaýda ustap, qadaǵalaıdy. Jóndeý jumystaryna qatysty turǵyndardyń syn-eskertpeleri bolsa merdigerge jetkize otyryp, ózgertýler engize alady. Sonymen qatar jóndeý jumystary aıaqtalǵanda úıdi qabyldap alýǵa da sol belsendi top músheleriatsalysady", - dedi qala ákiminiń orynbasary E. Berdibaev.
Muratbaev kóshesi 36-úıdiń turǵyny Irına Osadchýk modernızasııany uzaq kútkenderin aıtady. 1964 jyly salynǵan baspanalary kóp jyldan beri durys jóndeý kórmepti. Qazir júrgizilip jatqan jańǵyrtý jumystaryna kóńili tolady jáne ózderiudaıy baqylap otyr.
"Buryn úıimizdiń shatyry shuryq-tesik edi. Sol durystalyp jatyr. Sýdyń, jylýdyń qubyrlary da retke keltirildi. Merdigerdi ózimiz tańdadyq. О́zimiz qadaǵalap júrmiz. Jańǵyrtý jumystary oıdaǵydaı", - dedi. Tóle bı kóshesi 137-a úı turǵyny Almaǵanbet Júnisov.
Oblys ortalyǵynda jalpy sany 815 kóp qabatty turǵyn úı bolsa, sonyń 426-sy jóndeýdi qajet etedi. Osy jumystardy jalǵastyrý maqsatynda taǵy da qaladaǵy 26 úıdi jańǵyrtýǵa bıýdjettik ótinim berildi.
