Jahandy jaılaǵan indettiń beleń alýy men onyń áleýmettik keri saldarlaryn azaıtýǵa septigin tıgizý úshin H&M-Qazaqstan jergilikti deńgeıde qaıyrymdylyq kómek berý týraly sheshim qabyldady. "AIаLA" qoryn qosa alǵanda, nebári 3 qaıyrymdylyq qory arqyly Qazaqstan halqynyń áleýmettik turǵydan osal sanatyna jalpy 38 mln teńge somaǵa 8000 dana kıim jáne aıaq kıim berildi.
Kompanııa balalarǵa qoldaý kórsetý ortalyqtaryna, balalar úılerine, tabysy az otbasylarǵa, medısına jumyskerlerine jáne qıyn jaǵdaıǵa tap bolǵan qazaqstandyqtardyń basqa toptaryna erler, áıelder jáne balalar kıimderin taratyp berdi.
"AIаLA" qory H&M Qazaqstannan eresektermen balalar úshin 2000 dana jańa toqyma buıymdary men aıaq-kıim aldy. Bul kómektiń kópshiligi Nur-Sultan men Almatydaǵy tabysy az 104 otbasyna berildi. Bul tabysy az nemese tolyq emes otbasylar. Olardyń kópshiligi densaýlyǵyna baılanysty eerkshi kútimti qajet etetin balalardy asyrap otyr. Bıyl sáýir jáne mamyr aılarynda kópshiligi qordan úlken azyq-túlik qorjyndar túrindegi kómek aldy. Naq osy ýaqytty olar qor qyzmetkerlerine ózderi men balalaryna kıim satyp alýǵa qınalyp júrgenderin bildirgen eken.
Qor H&M-Qazaqstan brendinen alǵan 135 qorap kıim-keshektiń 89 qorabyn Nur-Sultan qalasyna jáne 46 qorabyn Almaty úshin daıyndap, attandyrǵan.
Al Qor qyzmetkerleri 104 otbasynyń árqaısysyna aldyn ala qońyraý shalyp, olardyń qandaı kıim-keshek, aıaq-kıimderge muqtajdyǵyn surastyryp, otbasynyń árbir múshesiniń kıim mólsherin naqtylady. Osylaısha ataýly kómekke arnalǵan qoraptar salyndy. Olarǵa erler men áıelderge arnalǵan kıimder – kardıgandar, djınsıler, sport shalbarlary, fýtbolkalar, sondaı-aq balalar men jasóspirimderge arnalǵan kıimder men aıaq kıim: ishkıimder, shulyqtar jáne tipti qyz balalarǵa arnalǵan sómkeler de kirdi.
Nur-Sultanda H&M-niń jańa zattary salynǵan 9 qorap Q.Muńaıtaspov atyndaǵy olımpıada rezerviniń sport mektep-ınternatyna berildi. О́ıtkeni, munda óńirlerden kelgen jáne tabysy az otbasylardyń balalary oqıdy. №1 arnaýly mektep-ınternatqa 10 jetim bala úshin 1 qorap berildi. Elordanyń muqtajdyǵy aıryqsha balalary bar tabysy tómen árbir otbasy bir qoraptan kıim jáne aıaq kıim salynǵan 70 qorap aldy. Taǵy 9 qorapty Aqmola oblysynyń Aqkól aýdanynda ornalasqan "Ýrıýpınka aýylynyń balabaqsha-sport-ınternaty" KMM-gi aıryqsha muqtajdyǵy bar 84 bala aldy.
Almatyda tabysy az otbasylarymen qatar kıim men aıaq-kıim jıyntyǵyn "Sábıler úıiniń" balalary da qur qalmaı – olarǵa da 3 qorap buıyrdy. Taǵy 9 qorap № 2 arnaıy áleýmettik kómek kórsetý ortalyǵynyń tárbıelenýshilerine berildi.
"Biz Qazaqstandaǵy H&M aýqymdy baǵdarlamasyna qosylyp, muqtaj adamdardy dál qazirgideı kezeńden óte qajet sapaly kıimmen qamtamasyz etýdi qýanamyz. Pandemııa saldary qazaqstandyqtardyń eń osal toptaryn – kóp balaly nemese tolyq emes otbasylaryn, erekshe kútimti qajet etetin balalary bar otbasylardy qınap otyr. Biz óz qamqorlyǵymyzǵa alǵan adamdarmen únemi baılanysyp otyramyz. Osynyń arqasynda eki birdeı qalada tıesili zatardy týra mekenjaılaryna deıin jetkizip berdik. Qor óz qoldaýynyń kólemin keńeıtý jáne COVID-19 vırýsynan bolǵan elimizdegi jaǵymsyz áleýmettik saldarlardy barynsha azaıtýǵa kómek berý úshin jańa múmkindikter men seriktester izdeýdi jalǵastyrady", – deıdi "AIаLA" qorynyń prezıdenti Aıdan Súleımenova.
Kómekke muqtaj, tabysy az otbasylarmen jumys – bul qordyń jańa bastamasy. Otbasylardyń tizimi Nur-Sultan jáne Almaty ákimdikterimen birge jasalady. 2020 jylǵy sáýirden bastap maýsymǵa deıin birneshe jobany iske asyrýdyń nátıjesinde tabysy az 184 otbasy "AIаLA" qorynan azyq-túlik qorjyndar men kıimder aldy.
COVID-19 pandemııasynyń Qazaqstandaǵy keri saldarlaryna kedergi bolý úshin "AIаLA" qory iri demeýshilerden 130 mln teńgeden astam qarajat tartty. Qor prezıdenti Aıdan Súleımenovanyń bul jobalarǵa qosqan jeke úlesi 53 mln teńgeden asty.
