Ol búgin tańerteń Amerıkanyń Las-Vegas qalasynda kórermensiz ótken UFC on ESPN 10 týrnırinde amerıkalyq Hanna Saıferspen jekpe-jek ótkizdi. Bul aıqas Marııa Agapovanyń jeńisimen aıaqtaldy. 23 jastaǵy qazaqstandyq sportshy úsh mınýttyń ishinde qarsylasynan basym tústi. Osylaısha, bul onyń sport jolyndaǵy toǵyzynshy jáne UFC alańyndaǵy birinshi jeńisi boldy. Al Saıfers osymen altynshy ret jeńiliske ushyraǵan.
Eske sala keteıik, aralas jekpe-jekten álem chempıony, qazaqstandyq Marııa Agapovanyń MMA boıynsha eń iri promoýshn - Ultimate Fighting Championship (UFC) uıymymen kelisimshartqa otyrǵanyn jazǵan bolatynbyz. Ol álemniń eń myqty lıgasyndaǵy alǵashqy jekpe-jegin 13 maýsymda ótkizetini habarlanǵan.
