Aımaqtar • 15 Maýsym, 2020

Aqmolada karantın sharalary kúsheıtiledi

33 ret kórsetildi

Onyń basty sebebi, oblys aýmaǵynda epıdemıologııalyq jaǵdaıdyń kúrdelenip ketýi. Sońǵy 2 aptada pnevmanııanyń aýyr formasymen aýyrǵandar sany kúrt kóbeıdi. Beıqamdyqtyń, saqtanbaýdyń saldarynan naýqastar sany 3,5 esege kóbeıgen, - dep habarlaıdy Egemen.kz.

О́kinishke qaraı, pnevmanııa men SOVID-19 vırýsymen aýyrǵandar geografııasy Aqmola oblysynda da keńeıip keledi. Eger buǵan deıin negizinen Arshaly, Selınograd aýdandarynda tirkelse, búginde óńirdiń 13 aýdanynda da jaman tumaýǵa shaldyqqandar bar. Pandemııa bastalǵaly jaman habary shyqpaǵan Kókshetaý qalasynda da naýqastar sany kún saıyn kóbeıip keledi.  

"Eger búgingi tańda ınfeksııalyq gospıtalda 38 naýqas bolsa, olardyń 20-synda pnevmanııanyń aýyr formasy tirkeldi. Karantın bastaý alǵan kezde eki aptada 13 jaǵdaı tirkelse, maýsymnyń eki aptasynda 33 syrqat anyqtaldy", – deıdi oblystyq taýarlar men qyzmetterdiń sapasy men qaýipsizdigin baqylaý departamentiniń jetekshisi Aınagúl Mýsına.

Oblys boıynsha 3 adam jan saqtaý bóliminde jatyr. Dárigerler olardyń sozylmaly dertteri joq, orta jastaǵy azamattar ekendigin aıtady. Emdeý mekemesine kesh kelgendikten, dertteri asqynyp ketken. Endigi amal talapty kúsheıtip, saqtaný. Áıtpese, jaman tumaý jalynan ustatar emes. 

Sońǵy jańalyqtar

Uqsas jańalyqtar