– Qala ákiminiń tapsyrmasyna sáıkes, qoǵamdyq kólikter kúndelikti dezınfeksııalanýda. Kúndiz qalada 76 baǵyt boıynsha 1047 qoǵamdyq kóliktiń sońǵy aıaldamasynda ár aınalym saıyn jáne tańerten jáne keshki ýaqytta avtobaza aýmaǵynda dezınfeksııalaý jumysy turaqty júrgizilýde. Sonymen qatar qoǵamdyq kólik júrgizýshileri men kondýktorlary tarapynan turǵyndarǵa betperde taǵý jóninde túsindirme jumysy júrgizilýde, − deıdi Shymkent qalasy Jolaýshylar kóligi jáne avtomobıl joldary basqarmasy, qoǵamdyq kólik bóliminiń basshysy N.Súgirálıev.
Sondaı-aq bólim basshysy ákimdik tarapynan qalada koronavırýs ınfeksııasynyń aldyn alý sharalary júrgizilgenimen, turǵyndar karantın tártibine nemquraıdy qarap jatqanyn jáne ınfeksııanyń aldyn alýǵa árekettenbeıtinin jetkizdi.
– Jolaýshylar qoǵamdyq kólikte betperde taǵýy mindetti. Tártip bárine ortaq bolǵandyqtan, turǵyndar karantın rejimine baǵynyp, ózderi de qoǵamdyq oryndarda saqtanýy kerek, − deıdi bólim basshysy.
Esterińizge sala keteıik, búginge deıin Shymkent qalasy boıynsha 8 saıabaq, 37 gúlzar men 4094 aıaldama zararsyzdandyrylǵan.
