Ol týǵan kúninde reanımasııadan palataǵa aýystyryldy. Roza Toqtanáliqyzy onyń optımıstik kózqarasy men ota jasatqan kezdegi batyldyǵyna alǵys bildirdi. Osylaısha Alekseı Alekseeevıch 78 jasqa tolǵan kúni jańa júrek qaqpaqshasymen ómirge qaıta keldi
Alekseı Alekseevıchtiń ózi tek dárigerlerge ǵana emes, ınstıtýttyń búkil ujymyna rızashylyǵyn bildirip, men dárigerlerge óte rızamyn, ony sózben aıtyp jetkize almaımyn, ózimdi jaqsy sezinemin, denderińiz saý bolsyn, dedi.
Sondaı-aq, basqa pasıentter de Alekseı Alekseevıchti quttyqtap, izgi tilekterin bildirdi.
Kardıohırýrgııa bólimshesiniń meńgerýshisi Rústem Tóleýtaevtyń aıtýynsha, pasıent stasıonarǵa jatqyzylǵan kezde, onyń shamaly kúsh túskende entigý, aýa jetispeýshiligi, júregi qysyp, tez sharshaý, jalpy álsizdik sııaqty shaǵymdar boldy.Ol jaǵdaıdyń aýyrlyǵyn júrek jıyrylýynyń tómendeýimen de baılanystyrdy.
Pasıent 15 jyl boıy sozylmaly obstrýktıvti ókpe aýrýy jáne bronh demikpesimen esepte turǵan, júrekke tekserilmegen jáne emdelmegen, tynys jetispeýshiligi bronh jáne ókpe patologııasymen baılanystyrylǵan.
KIAǴZI oǵan aralas aorta aqaýlary (krıtıkalyq stenoz jáne 2 dárejeli jetkiliksizdik), mıtraldy qaqpaqshanyń jetkiliksizdigi, 3 dárejeli arterıaldy gıpertenzııa dıagnozy qoıylyp, hırýrgııalyq emge kórsetkishter bar ekeni aıtyldy.
Pasıenttiń operasııadan keıingi jaǵdaıy turaqty, ol antıbakterıaldy jáne dárilik terapııa alyp, tynys alý jattyǵýlarymen aınalasýda.
Almaty
